Nihin ah West pawl nih an huat bik mi Russia President Putin nih caan sunglawi ngai mi a hmang. Mah bantuk in Ukraine a tuknak ruang hi, Ukraine cungah zaangfahnak a ngei lo ruangah si lo i, thil zeimawh a um ruangah si tiin a chim. West pawl nih Ukraine cu hriamnam tha tha an pek i, hmailei caah Crimea caah tih nung tuk mi thil a chuahpi kho mi a si.
Bonbas lei ah Russian peacekeeper pawl nih ceilak in an tuar tuk cang caah
Russia’s Greatest Generation pawl caah atu bantuk in dohnak hi a chuak mi a si tiin a chim
NATO ram pawl nih Russia federation biachim mi zeiah an rel lo, Plans dang an ngei mi kan hmuh dih i kan theih dih ko. Kan ram ropui tuk mi, Crimea tel i, NATO nih tuk an kan tim. Mah bantuk in NATO ram pawl nih Russia cungah thil an tuah caah, kan mah lei zong nih mah bantuk thil kan tuah mi a si tiin a chim chap. Atu Ukraine kan tuk mi hi kan ram Motherland
zohkhennak caan tha a si, Zeipoah a tlung ding mi thatein plan hnuah a tlung mi a si ko.
Russia security le Donbas ah kan mipi pawl nih a hman mi raltuknak an kalpi. Cre-RTK
= US First Lady, President Biden thaisung Jill Biden cu Europe ah a tlawng i, thawngthanhnak zeihmanh tuah hmasa loin May 8, Mother’s day ah Ukraine a tlawng. Ukraine ah cun Ukraine first Lady Olena Zalenska, president Zalenskyy nupi he an i tong i, US first lady Jill Biden nih cun Russia ral lak ah Ukraine a dirkamhnak a langhter.
Jill Biden nih cun, Ukraine le Russia tukdohnak cu dai zok cang sehlaw, tiah a duhnak kong a chim i,
Mother’s day thengmang te ah Ukraine tlawn a duh kong zong a chim. Jill nih cun
Ukraine mizapi nih Russia ral an dohnak phen ah US cu kan um peng lai, tiah a chim fawn. Olena Zalenska zong nih president Zalenskyy pawng ah a um kho peng lo nain a fale pawng ah cun a um peng kong a rak chimh ve. Tutan Jill le Olena an i ton hi Russia ral a thawh hnu ah Ukraine first lady Olena media ah aa langh hmasa bik a si.
Hilio US president Biden le Ukraine president Zelenskyy hna cu mui hmuh khawh in an i chawn i,
hi caan ah hin Vawleicung ram ṭhawng 7, G-7 zong an i langh ve. G-7 nih cun faak deuh in Russia
phihkharnak an tuah ṭhan lai kong an chim. Cupinah Russia mirum le media vialte an rengh hna lai kong le ramdang in Russia oil cawk cu donghter dih an i tim kong an chim. Hilio ah hin Ukraine nichuahlei Luhansk khuapi i Sianginn pakhat cu Russia missile nih a khen i, siangngakchia 60 hrawng cu an thi lai, tiah ruah a si, ti in president Zelenskyy nih a chim. Cre-TCP
== Sagaing ramṭhen, Northwest Military Headquarters(နမခ) in SAC ralkap mawṭaw pahnih a chuak i,
Nizan May 8 chun hrawng ah bomb puahhnawh an ton caah SAC ralkap 15 nak tlawm lo a thi,
hliamhma pumi zong an tam, tiah Chu Mai Mai Yinmarpin-Kani ṭangrual phu sin in theih a si. “A voi khatnak kan puahhnawh hna ah mawṭaw in an ṭum i ke in an ka, Cu hnu ah bomb kan hmanh mi pawng an phanh bak ah kan puahhnawh hna, hriamngan zong in voi 6 kan kah hna, Cucaah hiti tam ngai an thih hi a si,” tiah Luchu Mai Mai-PDF nih an langhter.
Cu kahdohnak ah Chu Mai Mai Yinmarpin-Kani ṭangrual phu, Democratic Guerillia Force (lower chindwin)
Anonymous Heores People Defence Force Dynamite Heores BDL People Defence Force hna nih an puah hna, tiah theih a si.
SAC ralkap lei in 15 an thi i, hliamhma pu mi an tam tuk ko nain Chu Mai Mai Yinmarpin- Kani ṭangrual phu lei in a thimi le hliam pumi kan um lo, tiah ralkap nih a chim. Sagaing ramṭhen cu SAC ralkap, Pyusawthi le PDF hna kahdohnak a fahngainak hmun a si i, SAC ralkap lei in a thi mi le hliamhma pumi an tam taktak nak hmun a si. Cre-TCP