Ukraine tension a sang chin lengmang ko, Mah Chinpage hi tu lio thawngpang a linsa ngai mi kong ka tial tawn, Tu lio thawngpang up-to-date (Athar bik) rel na duh peng ahcun mah Chinpage hi like le follow vun tuah law, tu lio thawngpang linsa ngai mi hi kan rel kho peng lai. Dotnesk Russia rebels khualipi ah Car bomb a puak cang caah, Russia nih Russia holh a hmang mi poah cu a himnak hmun lei ah a thial cang hna.
Supreme Commander-in-Chief Vladimir Putin nih Russia nuclear hna cu zeidah alaw ti zoh fel ding in
nawl a pek cang hna. Russia President Putin nawlpek bantuk in ‘strategic deterrence forces’ pawl nih
Nuclear Drill an ngei lai. Mah pawl hna hi amah President Putin nih a zohpi hna lai. Russia’s defence ministry nih a chim ning ahcun Nuclear Drill ah hin ballistic & cruise missiles hna cu zeibantuk in an dirhmun a si ti test an si lai. A chim chap ning ahcun, Kan drill “strategic deterrence force drills” hna hi plan cia ding mi a si lai,
Russia nih hriamnam tha tha ken ngei mi hna hi zeidah a law ti kan zoh than lai tiin a chim. Mah drill ah
hin Russia Nuclear hriamnak a that ning, conventional forces, Raltuk pawl, strategic missile carriers etc
hna a that ning langter a si lai. Drill ah hin Nuclear Forces 3-aerospace force, the southern military district, trategic missile force & Northern and Black Sea fleets hna an i tel lai. Russia’s TASS news agency nih a langter ning ahcun, Kura proving ground, Kamchatka , Russia’s Far East lei hawi in tih nung tuk mi intercontinental ballistic missile (ICBM) kap chuah a si lai tiin a chim. Cred-RTK
Kawlram thawngpang dang…Magwe ramṭhen, Pakokko seh-hmu-zung thlanglei ralhrang phu hna nih
checkhlatnak an tuahnak gate cu February 18 zaan ah rocket he kahdoh an si, tiah Yesakyao chaklei PDF phu nih an chim.
Nizan February 18, zanlei suimilam 6:30 hrawng ah Yesakyao chaklei PDF le PKU, PDF phufonh nih rocket 2 he an kah hna caah ralhrang phu chungtel minung 8 nak tlawm lo an thi, cheukhat cu hliamhma faak ngai a tuar mi zong an um, tiah Yesakyao chaklei PDF phu in chimphuannak nawlngeitu nih a chim. “Cuka hmun chekhlatnak gate ah cun ralhrang phu minung 10 hrawng an um, kanmah lei nih rocket he
naite in kan kah hna, anmah lei in voikhat hmanh an kan kap kho lo, suimilam cheu hrawng a rauh hnu
ah ralhrang phu bawmtu an vun phan i, an kan kahtuk ve, anmah lei gatehngak mi cu an dihlak ngawt in
hliam faak an tuar caah a thi mi zong am tam ko lai,” tiah a chim. Ralhrang bawmtu hna nih an kan kahtuk nain kanmah mizapi vengtu ralkap phufonh lei cu hliamtuar um lo in hlawhtlinnak he hnu kan tolh kho, tiah a chim. Kaphnih kar kahdohnak in ralhrang phu lei a thi mi kong ah anmah SAC ralhrang phu lei nih cathanh an chuah mi a um rih lo.
=Shan-Kaya ramri ah faak ngai in kahdohnak a chuak caah ralhrang phu lei ralbawi telhin minung 40 nak
tlawmlo an thi. Kahdohnak ah hin Tank 2 an rawk i sniper kahnak in minung 9 an thi, tiah theih a si.
“Kaphnih kar faak ngai in kahdohnak a chuak i ralhrang phu hriamngan kahnak ruangah kanmah lei mi 20 an nunnak a liam. Kahdohnak ah hin ralhrang phu lei raltuknak tank 2 a rawh leng ah ralhrang motor cheukhat zong an rawk. Minung 20 hrawng lawng an taan lio ah Vanlawng in an rak bawmh hna. Nihin cu ralhrang phu lei minung 40 leng an thi,” tiah mizapi ralkap lei in ṭuanvongeitu nih a chim.
Nizan February 18 ah Shan-Kaya ramri ah kahdohnak a faak a chuah kong le ralhrang tamlakte an thih
kong cu Demoso PDF nih nizan ah cathanh an chuah ve. February 18, Shan-Kaya ramri ah a cangmi
kahdohnak ruangah Demoso-PDF in minung 3 nih hliamhma an tuar i, mizapi vengtu ralkap phufonh lei zong in hliamtuar a um, tiah an cathanh ah an langhter. Ralhrang phu hna cu Demoso-PDF, Mobae-PDF, Loikaw-PDF, Phekhung-PDF, KA, KNDF, KGZ, JPDF, GZ-21 le mizapi vengtu ralkap phufonh dangdang nih an doh hna. Ralhrang phu hna nih nihin February 19, zinglei ah Whirisupalai khua mipi umnak inn cu meikhanghnak in an hrawh, tiah Demoso PDF nih cun an thanh.
=SAC Ralhrang Uk Duhlonak Langhtertu 4 An Umnak Hngalh A Si Lo!: SAC ralhrang uknak doh in
cawlcanghnak an tuah ruangah tlaihkhih a tong mi Mandalay Mino 4 hna cu ni 10 hrawng a rauh tiang ah
an chungkhar nih an pehtlai kho rih hna lo, tiah Mandalay ralhrang uknak duh lo cawlcanghnak a tuahtu hna nih an chim. Tlaih a tong mi hna hi- Ko Tu Rah Aung, Ko Ye Zin Tun, freelance reporter Ko Soe Lin Aung le freelance reporter Ko Hlah Myo Aung an si. February 9 ah Mandalay Maha Aungmay peng, inn pakhat i an um lio ah ralhrang phu minung thazaang tampi nih an rak tlaih hna. Tlaih a tong mi minung
4 hna cu khoika hmun ah an chiah hna zong an theih lo caah an chungkhar le hawikom hna cu thinphang in an um ko,
tiah Mandalay ralhrang uknak duh lo cawlcanghnak a tuahtu Ma Aye Myint Aung Aung nih a chim. “Ral phaw ah an hman hna leng ah faak tuk in an hrem fawn hna caah an nunnak le ngandamnak ca ah kan thin a phang ko,” tiah a chim chap. Mandalay in ralhrang uk duh lo cawlcanghnak a tuahtu phu hna nih tlaihkhih a tong mi minung 4 hna cu dirkamh in, an chungkhar hna he a rannak in tonnak nawl pe ding in, nihin February 19 ah SAC cathanh an chuahhnawh hna. Cre-TCP