Tu lio thawngpang, Mainstream Media pawl nih an tial mi cu amak chin lengmang ko, Dailymail nih a langter ning ahcun, Russian oligarch min langter lo mi secret audio recording ah, Russia President Vladimir Putin cu Lukemia blood cancer a ngei tiin a tial. Russia nih Ukraine iatuk thawk in Russia President cu a kal ning le a um tuk ning a hman lo tiah mi tampi nih an chim tawn. Experts pawl nih New Lines magazine sin ah an chim ning ahcun, Kum 2021 October ah Russia President hi operation tuah a rak si cang tiin.
Atu Putin hmai hna hi a dik ti lo i, mah hi steroid a lak ruangah a si an ti, a dang nih Parkinson disease a
nei tiin an chim. Tu lio hi Putin zawhnak kongah thawngpang dang dang an chim mi a tam ngai tawn. Cre-RTK
Kawlram thawngpang..Nihin May ni 14 kawlram pumpi chung kahdohnak ah Min Aung Hlaing SAC ralhrang Minung 137 cu mipi hriamtlai hna nih an thah hna tiah theih a si. Kawl ram pumpi kahdohnak a zuual chin lengmang i ram pumpi kahdohnak ah SAC ralhrang minung 137 an thi tiah report kan dong. A tu ning in kahdohnak a zual ko a si ahcun ralhrang an thi chin lengmang rih lai. Mipi cung ah an thin a hung deuhdeuh mipi an kan thah deuhdeuh i Mipi kan thin a hung deuhdeuh
caah a tu ning in thil a kal ahcun ralhrang hi a tomtom in an thi chin lengmang ko lai. Ralhrang nih kan
hriamtlai hna an kan tei tilo caah mipi neih mi thiri hrawh le Inn lo khangh in an i al chin lengmang cang.
==Yangon ramtthen Mingalardung peng no. 3 lampi cungah ummi SAC ralkap No. 82 battalion cu Area 21 in hawikom phufonh si mi Yangon Federal Army le CGF- YGN nih 40 mm in an kah hna i SAC ralkap 2 an thi 4 hliam an tuar tiah theih a si. May 14, zinglei suimilam 5:00 hrawngah Yangon ramthen Mingalardung peng no. 82 battalioncu kahdoh an si lio ah SAC ralkap nih lehrulhnak um ve lo in mei an hmih i dai tein an um, cu hnu tlawmpal ah mizaw phor motor cu SAC ralkap umnak hmun ah cun a lut.
PDF lei hliamhma tuar umlo in hnu an tolhkho tiah theih a si. ” SAC ralkap 2 an thi,4 fakngai in hliam an
tuar tiah SAC ralkap he neihniam in a ummi sin in ka theih” tiah PDF nih an thanh.Ref The Chin Post
Relchap>>>>>Ralram raltuknak hmun ah hin ttih nung bik mi cu Dalaan an si ko. Dalaan pakhat ruangah a mibu ralkap ning in thih khawh a si. Chinram dalaan hi ttihnung tuk an si pinah thil an thei tuk i kan i ralring lo a si ahcun an kan dip khawh. Tlangzar khua pawng i Laikua phak hlan ah CDF/CNA zei maw zat nih ralhrang an rak bawmh hna,
Ralhrang hi khualhringtlaang in lampi zawh i a ra mi an si caah kal nak an thei ti lo caah
Tlangzar khua mi Dalaan pa phon an chawnh i rak kan la an ti caah a va kal.
Kha Dalaan pa kha um hlah sehlaw ralhrang minung kha vialte a ra m kha pakhat hmanh luat loin CNA/CDF nih an rak thah dih hna hnga. Tlangzar pa nih cun Khuahringtlang lampi a zulh mi ralhrang pawl cu a va hruai hna i, Lampi le hor kuang kal ngam loin,
Tlang thlua zawh in a kalpi hna i mining kal nak zong a tha lai lo an ti nak poh in a kal pi hna.
Cu an va kal nak CDF zeimawzat le CNA nih ral zong an ra kho lai lo tiah an rak bawmh sawhsawh nak hmun ah cun ralhrang rual cu a hruai hna i, ruah lo tuk ah an poh hna i Ralhrang nih an kah hna i CDF Le CNA nih an meithal le an thilri vialte an zaam tak dih. Anmah an thih lo kha an van a tha taktak. CDF in a hliam mi an um pinah CNA ralkap zong aa hliam mi a um, Cu ka tlang cun ralhrang pawl cu an Dalaan pa nih a tum pi hna i
Laikua ah an chuak i ralhrang vialte an luat dih. CNA le CDF Meithal lehlam an lak dih.
Cu hnu zongah Tlangzaar ah Dalaan pakhat an rak tlaih than bel. Note# A tulio raltuk lio ahcun Dalaan pakhat ruangah Mibu kan ning in hriamtlai mi kan thi kho. Cu caah cun a ze4i va si poh ah Dalaan hi kan i ralring taktak a herh. Nai te ah Tlang an i kap zong ah An mah ralkap Mipi lei hriamtlai sinah a rak i ap mi an i tthit hna i cu ruang ah kha vialte kan chin ralkap an thihnak kha a si tiah an chim. Crd… Pu Lian