Nikhat Chung Kahdohnak Ah SAC Ralkap 20 An Thi. Myanmar ram pumpi huap June 28 nikhat chung kahdohnak ah SAC ralkap 20 an thi.PDF Pahnih an nunnak a liam ve tiah Khit Thit Media nih a langhter. Khit Thit Media nih cazin a khawmhsuat ning ah ,Sagaing ramthen, ChaungU ah 7, Tanintharyi ramthen Tayat Chaung ah 4, Kayah ramkulh, ShiaTaw ah 1, Magwe ramthen, Satotayar ah 2, Myaing ah 4, Yesakyo ah 2 tiin an dihlak 20 an thi.
Tanintharyi ramthen, Tayat Chaung ah 2 tiin PDF Pahnih an nunnak a liam
== Nawlngeihnak Laak Hnu Ni 513 Chung Ah Minung 2037 Nunnak A Liam Cang!
AAPP nih June 28, tiang cathanh a chuah ning ah Myanmar ramchung huapin SAC ralkap nih nawlngeihnak a laak ni 513 chung ah sualnak ngei lo minung 2037 thah an si cang, tiah theih a si. Tlaihkhih a tongmi dihlak hi 14,349 an si i, an thlah than mi hna 3042 an si. SAC ralkap nih mi nunnak a laak mi hna chung ah Yagon in nunnak a liam mi tambik an si.
== June 29, zinglei Suimilam 11:00 hrawngah SAC Ralkap motor 24 cu Kalaymyo in Chinram
lei ah an kal tiah theih a si. Chinram lei a kal mi SAC Ralkap hi motor lian 23 le motor fami 1 an si.
Motor 4 chungah thing le rua an phurh. A dang motor 3 chungah SAC Ralkap pawl khatte in an i cit, motor dang ah cun eidin tirawl an phurh tiah mithmutu nih an chim. June 27 zing zong Kalaymyo in ralkap motor 5 cu Chinram ah an rak kai i, Nihin tiangah Falam-Kalay kar Zawngkawng khua ah an cam tiah theih a si. Falam-Kalay lampi cu mizapi nih umkal rih lo dingin CNDF nih theihternak zong an rak
tuah. SAC lei nih Mandalay in vanlawng in Kalaymyo ah Ralkap thazang a chap chin langmang.
June 29 zing SAC Ralkap motor a rak kai mi cu thawng kantial tiangah an phaknak hmun fiangin theih khawh a si rih lo.
Thawngpang dang.. Karen ramkulh, Myiahwatyi in khattelei kam, Thailand ramchung Maesaot khuapi ah phungning loin a rak lutmi Myanmar rammi 16 hna cu June 28 zinglei ah tlaih an tong tiah Thai media nih an tial. Motor pakhat chungah a rak zulmi Myanmar rammi 14 le ngakchia 2 telh in agent a si lai tiah ruahmipa cu Myanmar -Thailand ramri lei in an
kongklam an dothlat hna i, traffic light an phak ah checking an tuah i an tlaih tiah theih a si.
Motor cungah a thumi vialte hna cu Myanmar in Thailand ramchung ah phungning loin a rat
lutmi an si caah Maesaot khuapi uktu i nawlpek ningin an tlaih tiah theih a si. Myanmar ramri in phungning loin a rat luttu Myanmar rammi 16 telh in agent pakhat cu phung an buar caah tlaih an si i, covid-19 zawtnak an ngeih le ngeih lo zong an check hnuah Maesaot khuapi nawlngeitu hna sin ah an up cang hna.
==Pago ramṭhen, Thayarwaddy pengkomh LetPanTan(လက်ပံတန်း) khua, mi bawmchantu phu hruaitu Win Min Soe cu June 28 ah SAC nih thong kum 10 tla ding in bia an khiah piak, tiah amah he naihniam sin in theih a si. Kan hnu kum October 31 ah LetPanTan khua chung
USDP zung telh in hmun tampi ah bomb puahnak kong he pehtlai in Win Min Soe le mi pakhat cu,
PDF he pehtlaihnak nan ngei ti ruangah taza an cuai hna i, atu bantukin thong kum 10 tla ding in bia an khiah piak hi a si. “LetPanTan bomb puahnak he pehtlai in PDF he pehtlaihnak ann ngei ti ruangah an tlaih. Bomb puah ruangah an tlaihmi a si lo. Dalan nih a tlaihter mi hna a si,” tiah Win Min Soe he naihniam mi pakhat nih a chim. Win Min Soe cu LetPanTan khua chung um mi
bawmchanhnak rian a ṭuanmi a si i, a luancia 2021 June thla covid a karh tuk lioah
SAC nih zeihmanh bawmhnak pek a um lo nain thlahlawh loin mi bawmhchanhnak rian a rak ṭuanmi a si,” tiah tualchung mi nih an chim. SAC nih uknak lak hnu in anmah a dohtu paoh le PDF he pehtlaihnak a ngeimi paoh cu a fak bikmi dan an tat hna. AAPP nih an khawmh suatmi cazin ning in SAC ralkap nih an tlaihmi hna hi thong hleikhat(11000) leng an si cang. Cu chung ah 1200 leng hi bia an khiah piak cang hna, tiah an langhter. Cre-TCP