Vawleicung ngai hi aw, thawngpang chia lawngte kan thei ko. US le Russia kong voihtampi ka rak tial cang, atu cu an dirhmun a tha lo tuk cang i, Russia le U.S, NATO & European allies pawl caah zeitin Russia thil tuah ning hi an lehlai ti zoh si cang. Atu hi Ukraine ramri ah Russia nih ralkap 100,000 a chia cang hna. Ukraine tuk ding in ready in a um cang. Mah ralkap hna hi US, NATO le European Allies pawl nih
Russia sin ah, Na ralkap hna hi Ukraine ramri ah umter ti hla tiin an ti peng i, Natein Russia nih a duh nemmam lo.
Russian President Vladimir Putin nih a duh mi thil, US, NATO le European allies sin in a hmuh hlan cu mah ralkap pawl hna hi ka kir ter hna lai lo tiah fiang cik cek in a chim cang.
Atu hi West pawl nih NATO a lian ngan chin lengmang khonak ding caah lam an kawl ve tikah, Russi anih a duh ve lo i, i tuk ding dirhmun an phan cang, US, NATO le European Union pawl zong nih atu hi Eastern Europe ah hriamnam tampi le ralkap tampi an chia ve cang fawn tikah, an duh mi a tlamtling khawh lo veve caah i tuk lawng lam a um cang tiah media tampi nih an tial cang.
President Vladimir Putin nih US, NATO le European Union pawl duh ning bantuk in thil tuah a tim lo, Cuvebantuk in
President Joe Biden zong nih Russia duh ning bantuk in zeihman tuah a tim ve lo caah i tuk ding in ralkap hna cu ralring tein an um cang.
Mah bantuk in thil a cang mi kongah US & Allies nih Russia ruangah asi tiin Russia an puh lio ah, Russia zong nih mah bantuk thil a cang mi hi US ruang lawngte a si tiin US cu sual a phawt ve. US Biden, Secretary of State Antony Blinken national security adviser Jake Sullivan & chief negotiator Wendy Sherman pawl nih Russia cu fakpi in an tlerh cang i, mah bantuk in Russia lungput a si peng ahcun fakpi in sanction tuah a si lai tiah an chim.
Natein Russia nih fiangtein a thei mi cu, China nih a ka dirpi ko ti a thei caah US le Allies pawl sanction cu a tih fe lo.
Kremlin spokesman Dmitry Peskov nih a chim ning ahcun, atu kan dirhmun cu a tha lo ngai, lungsau in kan um kho ti lai lo,
thil tih nung tuk mi a tlung cang lai tiah a chim. Foreign Minister Sergey Lavrov nih a chim ning ahcun, West pawl nih thil sining an thei thiam ko lai tiah kum saupi, lungsau tein kan rak um, natein zeihman Russia dirhmun an thei thiam lo caah atu cu lungsau tein kan um kho ti lai lo tiah a chim. Atu cu US kutah thil zeipaoh hi a um cang.
Daihnak an duh tak tak ahcun Daihnak an serh ding a si tiin frank ngai in ka chim tiah a chim. US Secretary of State Anthony Blinken nih Russia nih
demand a tuah mi cu philh seh ti a duh ning a chim, Moscow nih NATO non-expansion ah an focus lio ah, Washington nih cun NATO expansion ding in heh tiah rian atuan ve. Atu hi Russia nih Cuba le Venezuala ah ralkap kuat a tim hna tiah thei a si. Mah kongah Chief Russian negotiator Deputy Foreign Minister Sergei Ryabkov Moscow nih Cuba & Venezuela ah Russia ralkap kuat kan nih tim hna lo tiah a chim. Cred-RTK