Ram rum G-7 pawl nih Ukraine an bawmh mi zat tangka cu a tam bak ko

Kan vawleicung thawngpang hi a chia chin lengmang ko ee!! Atu hi Covid thawngpang thar a vun chuak hoi i, ram kip ah Covid case a ngei mi an tam chin lengmang, Russia nih Ukraine a tuk ruangah ralzam an tam tuk cang fawn. G-7 Ram pawl nih Ukraine 2022 bawmhnak ding caah tiin $24billions cu an

cohlan cang. Ukraine caah thawngngai  a si. Natein Ukraine mipi ca ahcun

thawngpang lawngte si rih ko. Russian forces, Kherson region, village Zolotaya Balka mipi,

khua zamtak a tim mi hna cu an kham hna, General Staff of the Armed Forces of Ukraine nih a chim ning ahcun, Russia ralkap pawl nih Ukraine mipi hi i phennak ding caah an hmang sual lai tiin mipi hna cu khua zam tak ding in an ti hna. Cred-RTK

Kawlram thawngpang… Sagaing ramṭhen, Kathar pengkomh, Hti Cheih peng chung um Tone Lung

khua lei ah minung thazaang 10 in a rak chuak mi SAC ralkap hna cu mizapi vengtu ralkap

hna nih bomb an puahhnawh hna i SAC ralkap 6 an thi, 4 hliam an tuar, tiah theih a si. “Tone Lung khua lei ah rallam a sialtu SAC ralkap 10 cu bomb puah an si i ralkap 6 an thih lengah 4 hliam an tuar. SAC ralkap pawl cu bomb puahhnawh an si hnu ah an hliamhma an zaam,” tiah bomb a puahhnawhtu Eagles Army – HPDF hruaitu nih Mizzima ah a chim. Bomb puah a tong mi

SAC ralkap 10 hna cu SAC ralkap 100 hrawng ca ah rallam a sialtu an si, tiah theih a si i,

Tone Lung khua nichuah lei um Kyit Gyi khua lei ah an zaam, tiah Eagles Army – HPDF phu hruaitu nih a chim.

Minung 100 hrawng a si mi SAC ralkap hna cu Hti Cheih peng chung khuate ah khuakhat hnu khuakhat lut in rallam an sialnak thla 3 hrawng a si cang. Tone Lung, Kyit Gyi le Pauh Natt khua hna ah umhmun an khuar, tiah theih a si. SAC ralkap nih Hti Cheih peng cu internet line an phihnak thla 3 leng a si cang tiah khua mi hna nih an chim.

=Mandalay Ramṭhen Computer Sianginn Pawng Ah SAC Ralkap Mawṭaw Cu Bomb Puah A Tong:

Mandalay ramṭhen, Sinkaing le Palaih khua kar Computer Sianginn lonh ah April 19 zing sml 2:00

hrawng ah SAC ralkap mawṭaw cu bomb in an puah hna i Officer telh in SAC ralkap 3 an thi, tiah tualchung PDF sinin theih a si. SAC ralkap Mawṭaw pathum cu bomb an puah hnawh hna i hliamhma a pu mi pawl cu mawṭaw mei zong vaang ngam loin an kalpi hna. “Phayeti thawng peknak pehzulh in kan bawh hna i, bomb in kan ṭhuat hna hi a si. Mizapi lei in tlaih a tong mi,

PDF tlaih a tong mi le a thi cang mi kan ralkap hna ca ah teirul kan cham lai,” tiah Bo- Aung Lay nih a chim.

April 19 in Zeyar raltuknak kan thok i, SAC ralkap le palik pawl faak piin ralrin kan pek hna. Cun, chungkhar pakhat le pafa hna zong zei ruat loin a thattu SAC ralkap he pehtlaihnak a ngei mi hna zong kan lehrulh cang hna lai, tiah a chim chap. Cu lengah khuachung raltuknak kan thok cang caah mizapi cu SAC ralkap le palik he aa hlatnak ah um ding in ralrin kan pek hna, tiah Bo-Aung Lay nih a chim. Cre-TCP