Kan ram buai ruangah thil a cangmi dihlak cu thei dih si cang. Atu kan dirhmun ka zoh tikah, ka lung a tling kho bak ti lo, Chinmi hi mah bantuk in maw kan rak si ti hi ka fiang chin chin lengmang. Kawlram hi a that ah cun laitlang ah ummi, mi sifak pawl kut ah a um ding a si. Mah bantuk ka chim ruangah mi tampi nih heh tiah nan ka soisel lai ti ka thei ko. Laitlang lei thil sining nan thei lo caah bia a si caah nan ka mawhchiat lai ti ka thei ko. Atu cu ka lungfak ning ka vun chim ve cang lai
Kan ram buainak cu a kum in a si cang. Thawngpang tha lei thei dingmi a um lo.
Nihin kan dirhmun ka hei zoh tikah ramthum ah ummi pawl cungah ka lung a fak khun.
Tangka hmang in heh tiah an ka dirkam, Natein tangka hei teinak a si lo. Laitlang ah ummi mi sifak pawl hna cu ramhnihnak ah kan kal kho lo. Kan dihlak in ram le miphun caah kan nih pek cang. Ramthum lei ummi pawl nih nan chungkhar hna cu ramhnih nak ah um ding in heh tiah nan au hna. India lei ah sianginn kai ding in heh tiah nan kal ter hna. Ramhnih ah a kal kho lomi hna hi ram kilven tu ding in
kaltak kan si. Ramthumnak ah ummi pawl hna kha thatein hei tuak hman u,
vawlei ah hin saupi dam kan duh ve ko, natein kan ram dirhmun kan zoh tikah kan ram
hi kal tak awk a tha lo ti kan thei, natein ramthumnak ah nan um i, tangka in nan chungkhar hna cu sponsored nan tuah kho caah ramhnihnak ah kal ding in heh tiah ramthumnak ah ummi chungkhar pawl nih nan rak ti hna. Mino tampi cu sianginn kai ding in heh tiah India lei ah an kal. Thatein heh tuak u, Laitlang ah mi sifak pawl hna nih hin ei dingmi kan ngei lo tiin lo tuah dih hna u sih law, a ho nih dah kan ram hi a dirkam lai? Cre-Dawttu
Kawlram thawngpang..Uknak Laak Hnu In Pumtlamtling Lo Ngakchia 382 An Thi
Cang I Ngakchia 1400 Thong An Tla!: SAC nih uknak an laak hnu in Myanmar ram ah
pumtlamtling lo in a thi mi ngakchia 382 an um cang i, ngakchia 1400 tluk thong an tla, tiah UN ah nuhrin covo lei tuanvo ngeitu Tom Andrews nih June 29 ah a chim. Rulh awk ṭha lo tiang in harnak a tuartu mino hna he zong i hmuhtonnak kan ngei, tiah Switzerland ram Geneva ah tuah mi UN Human Right Council meeting ah Myanmar ram boruak he pehtlai in a chim. Uknak laak hnu ah SAC ralkap nih
zaangfahnak ngei lo in ngakchia an tlaih hna i, thah an si nak kong ah SAC lutlaitu hna cu ṭuanvo an ngei,
tiah Tom Andrews nih cun a langhter. Ngakchia hna cu an tukvelh hna i, a phunphun in an hrem hna.
Cheukhat cu kuakci in a tak ah an nawn chih hna i, an kutke, an ha le an tin zong an phawi hna. Cupinah nu ngakchia hna cu tlaihhrem an tong tiah a langhter. Cu bantuk tharum thawhnak pinah, raikhamsii i chunh lo ruangah ngakchia 33,000 cu an nunnak ca ah thinphang ngai a si i, ngakchia sang 5 fai cu emargency in bawmh an herh, tiah a chim fawn. UN Special Rapporteur Tom Andrews nih a chimmi cu NUG cozah zong nih a cohlan i,
Myanmar ngakchia hna bawmhchanhnak pe cio ding in nawlpatnak zong an tuah.
=Ayarwady Ramṭhen KyanKhin Peng Kahdohnak Ah SAC Ralkap 12 An Thi!:
Ayarwady ramṭhen KyanKhin peng Hminwatawng khuakomh ah tualchung hriamtlai phu le SAC ralkap hna cu July 1, chunhnu ah an i kap i, cu kahdohnak ah cun SAC ralkap 12 an thi, tiah tiah a si. SAC ralkap nih Rakhine Yoemah camp cu minung thazaang 60 leng in an kah hna. Hriamnam thazaang an i thlau tuk caah cu camp cu chuahtak a si nain SAC ralkap lei 12 an thi tiah theih a si. Kaphnih kahdohnak ah tualchung hriamtlai
phu lei hliamhma tuar um lo in hnu an tolh kho nain, camp ah hriamthil zeimawzat an kaltak, tiah theih a si.
Magwe ramṭhen Gangaw ah rallam sialtu SAC ralkap hna cu AungMyin khua le Gangaw nitlak lei ah PDF nih nihin July 1, zinglei suimilam 8:15 ah rak bawh in an kah hna, tiah PDF-Gangaw (chaklei) nih an thanh. Minung thazaang 60 hrawng he Gangaw khuachung in rallam a sialtu SAC ralkap hna cu We Love hleidonh nitlak lei ah PDF-Gangaw (chaklei) le KKG battalion 6 phufonh nih an kah hna. Cu kahdohnak ah cun SAC ralkap 2 hliam an pu tiah theih a si. Cre-TCP