Trump nih a dirmi social media a rau hlan ah mi tampi nih hmang khawh a si ve cang lai. Trump nih The Truth Social Media a dir cang i, CEO ding mi zong, amah nih a duh ngai mi ahmuh cang caah atu cu a thawngpang a linsa ngai cang. Twitter nih Rep. Marjorie Taylor Greene, R-GA cu zungzal in hmang khawh lo in an tuah piak hnuah
facebook lei nih suimilam 24 leng a account hmang khawh lo in an tuah ve, Facebook le Twitter nih an chim ning ahcun
Rep. Greene nih Covid sii kongah a dik lo mi thawngthanghnak a post tiin an chim, Twitter nih Taylore account cu
zungzal in/permanent in hmang khawh lo ding in an khar piak tiah News site tampi nih an tial. Mah kongah former President Trump nih a chim ning ahcun, Twitter hi US democracy zei a rel lo tu an si. Twitter hi US ramchungah chawhlehnak tuah kan siang ding a si ti lo. Rep. Taylor nih Phunglam a upat i, amah hi mi raltha a si,
rian fakpi a tuan mi le mi caah heh tiah a cawlhcang peng mi a si. Mah bantuk lungput aniam tuk mi facebook le Twitter hi umnak tlak a si lo.
Mi vialte nih facebook le Twitter hi kan kaltak cang a her. A boring tuk cang, Radical left pawl umnak tlak lawng a si.
Mi vialte nih an huat dih cang hna. facebook le Twitter hi kan ram hmai a chia ter tu an si, Majorie kal thluamah raltha tein tiin former President Trump nih thazaang peknak ca a tial. Meta lei nih an langter ning ahcun, Rep. Taylore nih a post mi kan phunglam a buar mi a si, Natein amah account hlawn piak nak ding tiang ttuah cu kan mah rian a si lo tiin
facebook nih an thil tuah mi kong he pehtlaih in thil sining an langter ve tiin The Wall Street Journal nih a tial
Twitter nih Green account hi zungzal in hmang khawh lo ding in an tuah hnuaah facebook zong nih suimilam 24 cu hmang khawh lo ding in an tuah piak ve.
Rep. Taylore nih a chim ning ahcun, Congress member ah thim ka si, Ma state aiawh minung 700,000 leng US tax a pek mi aiawh tu ding in thim mi ka si, an bia le hla le an zalawngnak a dirpi tu ka si hlei ah US phunglam a kil vengtu ka si tiin a account an tha piak mi kongah a lungtlin lonak cu Taylore nih a chim
Mah bantukin US cozah tangah rian tuantu ding in thim mi bia le hla kongah, Twitter le Facebook nih a dik mi
le dik lo mi thleidannak tuah ding in aho nih dah, Twitter le facebook hi nawl a pek hna. Big Tech pawl nih hin, US mipi nih member caah thimmi an bia hle hla hlawn piak ding mi le cohlan ding mi kongah zei bantuk nawl ngeinak an ngei, Mah bantuk an tuah mi hi US cozah an doh ruangah le mipi zei an rel lo ruangah a si tiin a chim. Cred-Newsmax