Idohnak ahcun thil sining pahnih in thei hi mipi nih kan i tim dingmi a si, News tampi side pakhat lawng an tial tawn i, pakhat lei dirhmun kha kan thei lo tuk caah bia chimsual zong a fawi ngai caah mah Chinpage nih cun tu lio Russia le Ukraine buainak ah hin side pahnih in ka vun tial tawn ti kha nan ka theipiak lai tiah ka vun nawlh than. Lithuania-ah Electricity transmission system operator LITGRID nih
cun nihin (22.05.2022) ah Russia nih power a pek tawnmi cu an dongter cang tiin an chim.
Russia ministry lei nih cun Lithunia nih hin power man a pek khawh ti lo caah kan
dawngtermi asi tiah an chim ve than. Inter RAO (Russian energy Company ngan bikmi, Moscow headquarter ah a ummi) nih cun, Lithuania power kan pek ti lo tiah fiang tein thawngthannak an tuah ve cang. Tu thla hramthawk hrawng ah khan, Inter RAO Nordic branch nih Finland sin ah power an pekmi cu an rak dawngter cang lai tiah a rak chim ve cang
Lithuania Energy Ministry nih ninga ni ah khan Russia power an cawk tawnmi cu dawngter a si
cang tiah a rak chim ve. Russia nih power a pekmi a dawngter cang caah Lithuania nih cun an
ramchungin power hmuh/ser khawhnak lam an kawl a hau cang tiin a chim. Europe ram dang Sweden, Poland, Latvia sin in power lak an nih tim tiin Litgrid CEO Rokas Masiulis nih a chim. Lithuania nih power an hmangmi dihlak 16% hi Russia sin in an lakmi a si. “Inter RAO nih a chim ning ahcun, Nord Pool (Mah company hi Russia power ramdang ah a pek than lengmang tu Exchange Operator an si.) sin in
Russia power man an pek khawh ti lai lo ti zumnak a um caah dawngter a si tiah a chim. Lithuania hi EU ram in
Russia gas lak luh a duh lo tu a si hlei ah oil cawk ti lo ding tiah biakhianak a rak tuah hmasabikmi a si. Cred-RTK
Mah hi Global Village News nih a tial mi a si, zeitin dah si lai? a hman mi si hnga maw?…..CDF Lila Nih A Thli Te In “Dalan” An Tuan, Mirang nih “Emotion” an ti. A sullam cu, cikhat lungthawh thil tuah tinak a si. Ralhrang nih Feb, 1, 2021 ah uknak hranghrang in an lak hnu in Mipi nih lam an zawh. Ralhrang nih Mipi an kah hna. An thah. Ngai a rak chia hringhrang. Kei zong cikhat te cu ka rak kal deng ve.
Nain khua fak deuh ka ruat. Ka sining he a pehtlai lomi a si caah a lamdang tu in ka cawlcangh lai ka ti i,
ka cawlcang taktak. Caan a van rau i, emotion in CDF a lutmi cu an um kho ti lo. Style ah Uniform in
hman an i tlak, an i post, an langsar. An um kho taktak lo tik ah CDF chuak in a kenkip lo ah kal an i tim. Cu tik ah Ralkap nih an tleih hna. Hmailei zong ah hi ban tuk hi a um tthan te ko lai. Lungthawh in CDF a lutmi cu an mah pumpak ca lawng si lo in, an tuan hawi CDF an tha an chiat ter hna. CDF in an chuah tik ah CDF a ummi an ttha chia. An lung a der. Taktak le ngaingai ah cun hi pawl hi dawkaw, a thlite in
“Dalan” a tuanmi cu nan si cu. A poi taktak si. Tulio ah Delhi CDF ka tuan aa timi an khat.
CDF chuak in Yangon lei a fuhpanhmi CDF tam tuk an tleih cang fawn hna. Hihi khuaruah za cang. CDF hi thih ngamh in na luh a si ah cun CNA ah i fon uh law, phunlam thar te in suai uh law, cu ti cun one command $ order in kar kan hlan ah cun kan ral hi kan tei lo hmanh ah kan nunnak ter a him deuh lai. Note: Thaizing ah Thantlang khuapi hi Ralhrang nih an khang lo. Thantlang mipi nih an khanghmi si. Ka van ttial lai thaizing ah. Stay tuned!Crd.. Global Village News