Russia nih Colonel 49 nak Chenchen pasal tha le mi pawimawh tukmi cu Ukraine he i tuknak ah an sung than hoi cang. Vladimir Putin’s top brass pawl nih Ukraine invasion cu an caah mangchia, thinak khur bak si ko. Afghan & Syria war. Lieutenant-colonel Zaur Dimayev, deputy commander of Chechen special forces battalion cu Ukraine ah a thi ve dang. Chechen warlord Ramzan Kadyrov nih pasaltha an ti mi
fighters tha tiah thim mi lakah Dimayev hi a tel ve, Nihin ah Telegram channel Baza nih report ah
a langter ning ahcun – Donbas region ah artillery mu nih a khen caah a thi tiah a langter.
Dimayev nih hin military SUV hmang in village of Kamyshevakha, Luhansk province chungah kal a tim lio ah, Ukraine artillery in ceilak in a kah. Chechen special forces/Kadyrovites hna hi Mariupol ah khan an tuan bia a tha ngai i, A luancia zarh ah khan Lieutenant colonel Alexander Dosyagayev, 34, commander airborne assault battalion, 104th paratrooper regiment zong a thi ve tiah an rak phuan cang kha. Cred-RTK
==Ralhrang nih Chinram An Van Fuh Cuahmah Cang, CNA Sakhaan Pi Camp Victiria Maw Lak An Timh Cang Ko Hnga…..
Min Aung Hlaing nih Camp Victoria nam a timh cang ko rua. Ralhrang Min Aung Hlaing nih
a tu hi a thar in kan camp pi Victoria cu nam a timh ko cang rua. Gankaw lei in Hakha lei ah ralhrang Motor 100 leng an hung kai cuahmah tiah theih a si. Kan hnu lei hrawng vialte Kalay peng thlang lei ah kahnak a chuak i khuami zong tam ngai an thi. Ralhrang zong tam ngai an thi i PDF le CNDF lei zong in nunnak liammi an um. Ralhrang pawl nihhin Chin ralkap pawl tei khawhnak ding caah a biapi bik in a ruah mi cu
Camp Victoria lak khawh a si. Camp Victoria lak khawhnak ding ah biatak tein timhtuahnak a ngei.
A hlan deuh lio ah khan ralhrang nih Camp Victoria lak ding in timhtuahnak an rak ngei cang.
Kalay lei in raltuknak Tank pahnih le ralkap Motor 80 leng bak in Chin ramkulh cu an rak ka fuh. Anmah ralhrang an i tinh ning ahcun Hakha kan phan lai i Hakha kan phak hnu ah Thantlang ah kan lan lai. Thantlang in Camp Victoria lei ah kan kal lai tiin timh tuahnak lian pi an rak ngei. Cucu CNF kan pa le hna nih ralhrang pawl an rat hlan zarh hnih hlan ah an rak theih.
Ralhrang nih Camp Victoria lak an timh timi thawng an theih caah kan ralkap CNA le CDF cu timh
cia tein an rak chiah hna. Camp ah a ummi nunau pawl Mizoram ah an rak zamter chung hna.
Kan ralkap CNA le CDF nih cun Falam le Hakha kar ah an rak bawh hna i an rak thuat hna. Ni 11 chung bak an rak thuat hna i ralhrang tamtuk an rak thi i hliam an rak tuar. Ralhrang pawl cu Hakha an phan kho. Ni 11 hnu ah Hakha an phan kho. Hakha a phanmi ralhrang pawl Thantlang lei an kal khawh lonak ding ah Timit hlei zong an rak hrawh. Hakha le Thantlang kar in kan ralkap pawl nih tha taktak in an
rak bawh rih hna. Hakha a phan cangmi ralhrang pawl nihcun Camp Victoria cu kan la kho lai lo.
An i ready tuk cang timi an theih caah Hakha ah nithum hrawng an cam hnu ah
Kalay lei ah an rak kir than. A tu ralhrang nih Camp Victoria cu lak ding in timh tuahnak an ngei than ti a si. Gankaw lei ah ralhrang Motor 100 leng ralkap thazang 800 tluk hrawng Hakha lei an rak kai cuahmah ti ah theih a si. Mahhi ralhrang pawl hi a si khawh chung in Thantlang phak an i tim ti a si. Thantlang an phak khawh sual ahcun Camp Victoria lei ah an lan lai timi cu a fiang kho.
Ralhrang pawl hi Falam le Hakha kar ah siseh, Hakha le Thantlang kar ah siseh kahnak
a um sual ahcun Jet Fighter le Helicopter zong an hman men lai zumh a si.
Cu ruang ah a tu ralhrang pawl hi Hakha an phak khawh lonak ding ah Falam le Hakha kar ah fak taktak in kah an hau. A lamkip kawl in doh le kah an hau. Hakha phan kho lo ding bak in tuah an hau. Hakha an phah khawh sual hmanh ah Thantlang an phak khawh lonak ding in Hakha le Thantlang kar ah an
cihmih dih an hau. Thantlang an phak khawh sual ahcun chim awk a um ti lo.
Vanzang Tlang lei ah an lut lai i kan lo ko cang lai. Tutan ralhrang a rami pawl cu voi dang nak let fak in kah an hau. Motor lam kip kham dih. Lam sialtu ah JCB zong an i khen khawh men. Lam hi a hrawh bak in hrawh dih a hau. Ramtang in ralhrang zong cheukhat cu an kal kho men. Ramtang zong in timh cia in kan um a hau. Credit: Cung Lian