Russia hi a mualpho chin lengmang ko. Russia General 10 leng an thi cang. Zahan ah Russian General Major General Andrei Simonov cu Ukraine ralkap kut ah a thi. Major General Andrei Simonov le a hruaimi ralkap pawl umnak post hi Ukrainian force pawl nih fakpi in meithal in an thuat hna. Ukraine ralkap pawl nih hin
Russian armoured vehicles 30 leng ceilak in an kap piak hna hlei ah Russia ralkap
minung 100 leng an thi tiah president biachimnak nawlngeitu nih a phuan. Cre-RTK
Kawlram thawngpang…Yangon ramṭhen, Insein peng Danginkone sang ah PDF 11 tlaih khawh nakding ah, SAC ralkap thawngpetu Leirawitu(Dalan) inn za-uk Pyu Ko Ko cu nihin May 1 ah meithal voi 19 in an kah thah, tiah theih a si. May 1 zanlei sml 1:30 hrawng ah SAC ralkap thawngpetu Pyu Ko Ko cu Yangon Liberation Force(YLF) nih meithal in voi 19 an kah hnu ah a hmun ah a thi colh.
A luancia February 16 zaan sml 10:00 ah Danginkone SAC ralkap nih an luhhnawh hna lio
ah thawng petu cu amah a rak si i PDF 11 an inn le lo zong chuh an tong. An thilri vialte zong an
laak dih, tiah theih a si. Danginkone sang um mi hna nih tangka tampi an pek hna lawng ah khual cazin cheknak kongkau a tuahpiak hna. Cu bantuk mizapi cung a thil tuah mi ruangah YLF nih kan thah nak hi a si, tiah cathanh an chuah.
= ASEAN nih National Unity Government(NUG) ton ding ah Malaysia cozah nih biatung a dirh lai,
tiah theih a si. ASEAN biahren(agreement) 5 cu SAC ralkap nih a zulh duh lo caah ASEAN nih
NUG ton ding ah biatung kan dirh lai, tiah Malaysia Foreign Minister Datuk Seri Saifuddin Abdullah nih a chim. “ASEAN nih a dang cozah cohlan nakding ca ah biatung kan dirh a si lo. Asinain ton biaruahnak sawhsawh lawng a umnak Myanmar ram, mizapi hna ca ah zei tin dah bawmhnak kan pek khawh hna lai ti cu ruah a hau,” tiah a chim chap.
May 5 ah ASEAN Foreign Ministers tonpumhnak cu tuah an i tim i cu tonpumhnak ah
NUG he tonnak ngeih ding cu Malaysia nih biatung a dirh lai i. Myanmar ram mi hna bawmh nakding le Myanmar-ASEAN pehtlaihnak (Myanmar Ambassador) kongkau zong Malaysia nih ceihmainak a tuah lai, tiah theih a si. Atu tiang ah SAC ralkap nih ASEAN biahren cu a zulh lonak kong Malaysia Foreign Minister nih cun a chim. Cucaah Myanmar- ASEAN pehtlaihnak a ṭhat khawh deuh nakding lam zong an ceihmai lai, tiah theih a si. Cre-TCP