Tu lio thawngpang a linsa tuk mi US le Russia cu Ukraine buainak kongah thawngpang dang a chuak than i, mi tampi ih mak an ti i, a dik mi a si lai maw lai lo ti thei an duh ngai. Mah bantuk thawngpang dang a vun chuak than caah Russia nih Ukraine cu a tuk hrim ko lai tiah a zum mi an tam ngai. Nai ah thawngpang a tha ngai cang tiah kan ruat lio ah thawngpang a
vun linsa than caah US zong nih Ukraine ah hriamnam tha tha a kuat than hoi, Russian Ambassador
to the United States Anatoly Antonov nih a tu an buainak bik, Eastern Ukraine ah thil a cang mi a chim
ning ahcun, Russia mi lakah genocide atlung tiin Moscow nih a chim, Mah bantuk in Russia mipi tampi thah an si tiah Moscow nih a chim mi cu, Washington nih zumtlak a si lo, mah bantuk thawngpang, Russia mipi tampi thah an si ti kong kan thei bal lo i a si kho lo bak mi a si tiin Moscow nih a chim mi cu zumtlak a si lo tiin a hlawt/hlonh piak.
Mah bantuk in US nih a zum lo mi hi Russia ruah ning a si lo i “Zeiruangah Genocide a si lo nak a um maw,
Ukrainian Armed Forces pawl nih Russia mipi tampi meithal in an kap peng hna. Mithi an um peng tiin,
Rocket an kah ruangah Massgraves mi 300 ruak umnak Lugansk ah hmuh a si tiin a chim chap Mah pawl hna hi Russia holh an hmang ruangah thah an si” tiin Moscow nih a chim. Mah Massgraves an hmuh mi ruak 300 hna hi thatein thiangter a si hnuah an ruak pawl hna hi thatein vui than an si, Russia holh a hmang mi tampi Ukraine ah an um, venhim nak tha an herh ngai tiin Russia nih an chim.
Russian President Vladimir Putin nih a chim ning ahcun, a hlan ah Ukraine nih Russian pawl cungah
Massgraves an tuah mi pawl ruak tampi hmuh a rak si cang, mah bantuk mi tampi a thi mi ruak an
hmuh ruangah “Ukrainian genocide” ah a puh . Russian Foreign Ministry nih cun voih tampi Western pawl sin ah Ukraine nih Minsk agreement an zulh lo ning an rak chim cang, US President Biden sin zong ah President Putin nih Donbas le Crimea sin ah athli in hriamnam pe ti lo ding in phone call in a rak chim cang. Cred-RTK
Kawlram thawngpang dang… Nizan Febuary 17, Sagaing ramṭhen, Khin Oo peng, Myothit kahdohnak ah
PDF 14 an nunnak a liam, tiah PDF ralkap pakhat nih a chim. Kahdohnak hi suimilam 4 chung hrawng a
rau i ralhrang nih hriamngan zuun 40 hrawng in an kan kah. Ralhrang pawl hi rallam sial in a ra mi an si hna i an thazang a tam deuh; an hriam zong a ṭhat deuh caah an kan tei, nunnak a liammi PDF ralkap hna hi kum 15/ 18 le 19 rual hrawng an si hna. PDF ah Kum 15 mino tete aa tel mi hna hi cu ralhrang nih an inn an khanghpiak hna caah an lungfah celh loin kan sin ah a ra mi an si;
an ruak cu nizan ah khan kan vui cang hna, tiah PDF pakhat nih a chim. Nizan February 17 zong ah
Pyusawṭhi le ralhrang thazaang 80 tluk hna nih Khin Oo khuapi chung sangkip ah chekhlatnak an tuah i an tlaih mi hna zong an um. An tlaih mi hna cu an hrem hna pinah khuate kip ah an i chok rih, tiah theih a si. Nizan kahdohnak ruang ah Myo Thit, Thakaya, Kangyikung, Shwe Zamin le Theintaung khua in minung 5000 renglo cu phungki
sianginn le a pawngkam khua hna ah an i dor, tiah theih a si. Nizaan kahdohnak kong ah ralhrang nih thawng a thanh rih lo.
=Tanhsae Khua Pen Ah Ralhrang Nih Minung 4 An Thah Hna: Sagaing ramṭhen, Tanhsae peng, Yuashima khua cu ralhrang nih February 14 ah an rak luhhnawh hna i inn zeimawzat mei in an khangh. Ko Nyuit Win Maung le khua mi 3 hna cu a ruang um loin an ralhrang nih an thah hna pin ah leikuang pakhat ah an ruak an phum hna, tiah khua mi pakhat nih Yangon Khit Thit Media ah a chim.
Yuashima khua mi Ko Nyuit Win Maung le Htanpinseih khua mi pathum cu ralhrang nih an an thah hna i,
midang an tlaih mi pahnih cu ralphaw ah an hman hna, tiah theih a si. Ralhrang nih an thah mi hna lakah Ko Nyuit Win Maung lawng a min kan theih rih. Midang pathum cu an min kan thei rih hna lo,” tiah a chim chap. Yuashima khua cu ralhrang nih February 14 le 15, nihnih chung ah Yashima khua inn hna cu mei in an khangh i, mizapi cu Htanpinseih khua ah an zaam hna, culio ah cun ralhrang nih khua mi paruk an tlaih hna hi a si. Cre-TCP