Tih nung chin lengmang ko, Russia nih Ukraine a thuat ning cu a fak chin lengmang ko, Russia nih Ukraine cu a kut tangah chia a tim bak ko cang. Thawngpang thar nih a langter ning ahcun Russia War Crimes a tuahmi, tih nung tuk mi cu Ukraine Deputy Prime Minister nih fiang cik cek in a vun langter cang. Ukraine’s deputy prime minister, Olga Stefanishyn nih a chim ning ahcun,
Russia nih Kyiv region an chuah tak hnuah, Kyiv region morgue dang dang ah
civilians ruak 1,020 leng hmuh a si. Town of Borodianka ah mi 9 Russia ralkap nih an thah mi taksa an
zoh mi ah, Russia ralkap nih mah civilians pawl hna hi ceilak in phomh i tih nung tuk in a thah hna tiah a chim. Russia ralkap nih an tthah mi pawl hnan taksa hi zoh ngam ding hman a si lo e tiah a chim chip The parliaments of Estonia and Latvia nih an chim ning ahcun, Mah bantuk in Russia nih Civil mi hna a that ruangah
Russia thil tuah ning cu “genocide” a si ti kan cohlan cang tiin a chim. Chechen hotupa Ramzan Kadyrov le
a pawl nih Mariupol lei ah an cawlhcang ning, video an langter, Mariupol cu kan kut ah a um cang tiin
lunglawmnak caah building cu mei in an khangh i hmangthlak he heh tiah an nih nuam ning an langter Ukraine’s deputy prime minister Iryna Vereshchuk nih a chim than mi cu, Mariupol mipi hna cu a caan teah lakchuah khawh an si lo caah mipi sin ah theithiamnak a hal i, zahan ah mi 70 lawng Mariupol in an lak chuah khawhnak. Cred-RTK