Russia President Putin hi a holh tamtuk lo mi, natein a chim mi poah cu a tuah lengmang mi a si ve, European Union khualipi tampi nih April ah Ukraine ruangah Russian Diplomats 300 cu kan ram ah um ti hla u, nan ram ah kir cang u tiah Russia ram ah an kirter hna, France nih Russia diplomats 35 kan ram chungah um ti hla u tiah Russia ram ah an kirtermi lehrulnak ding caah nihin ah Moscow nih
France diplomats 34 cu kan ram, Russia ram chungah um ti hla u tiin French ram ah a kirter cang hna.
French foreign affairs ministry cu ceilak in a zai cang, Italy nih May thla ah Russian diplomats kan
ram ah um ti hla u tiah an ti mi lehrulnak ding caah nihin ah Moscow nih Italy diplomats 24 hna cu Italy ah a kir cang u tiah a ti ve hna. Russia nih European Union pawl rian tuannak poah ah lehrulnak tuah a tim tak tak cang tiah expert pawl nih an chim. Russia’s foreign ministry nih Spanish diplomats 27 hna cu zarkhat chungin Moscow nan chuahtak cang lai tiah a theiter cang hna. Russia nawlngeitu lei nih
Google Russia’s bank account an khar piak caah, Google spokesperson nih rian a tuan kho lo an ti Cre-RTK
Kawlram thawngpang…US khualipi Washington D.C a phan mi NUG Foreign Minister Zin Mar Aung
cu US cozah ah Myanmar ram kong a tawlreltu Congressman pawl he nizan May 17 ah tonnak an ngei, tiah theih a si. Myanmar Democracy a dirpi pengtu American Congressman Mitch McConnell, Jeff Merkley le Edward Markey hna he NUG foreign Minister Zin Mar Aung cu American Hluttaw inn pi an tonnak an ngei. SAC ralkap nih Myanmar ram mi duhnak zei rel loin thil a tuah mi kan cohlang lo.
Myanmar ram Democracy hmuh ṭhan ding ah American le Vawleicung ramkip nih an dirpinak cu,
a fek fuan mi a si zungzal a herhnak kong an ceih mi cu Mitch McConnell nih social media ah a taar.
Jeff Merkley le Edward Markey hna he an i ton lio ah a biapi in SAC ralkap tangka luhnak a si mi, zinan le natural gas(MOGE) hi phih piak ding in Zin Mar Aung nih a hal hna, tiah theih a si. Zin Mar Aung cu a luancia May thla zarh hnihnak ah American khualipi Washington D.C ah ASEAN palai hna le US ram hruaitu hna tong ding in a phan.
===Sagaing ramṭhen kalay peng tlanglei ah SAC Ralkap le Mizapi vengtu PDF pawl kahdohnak cu
a luancia 2021 may thla khan rak thok a rak si.Cu kahdohnak ruang ah khuami hna cu inn hlam
ngam lo in a himnak ramlak ah umhmun khuar in khua an sak hna caah sii-ai le eidin an herh tuk tiah ralzam zohkhenhtu pakhat sin in theih a si. Ralzam hna a tambik cu chungthlet,cumpit le ṭohkuai hna in an zaw hna i Sii-ai kan ngeih tilo caah a rannak in sii-ai bawmh kan herh ko tiah ralzam zohkhenhtu pakhat nih cun a chim.
Kalay peng thlanglei ah hin a luancia caan ahcun CDM tuah mi sii lei saya sayamah te nih
ralzam pawl hi rak zohkhenh a si nain a tu ah cun SAC Ralkap pawl nih ralzam an umnak tiang
an rat hnawh hna caah ralzam pawl caah ngandamnak lei zohkhenhtu an ngei ti lo tiah mizapi ralvengtu pakhat sin in theih a si. Kalay peng thlanglei ralzam pawl hi SAC Ralkap pawl rallam an sial lio ah a zam mi an si caah eidin ding tlamtling in a i ken khawh lo pin ah ramlak an um kar ah an inn le a facang hna an khangh piak dih hna caah eidin lei an chanbau khun nak a si tiah ralzam zohkhenhtu pakhat nih cun a chimchap.
Kalay peng thlanglei Natchaung khua ah nizan may 17 ah thli fak tuk in a hran caah thingnge nih an
umnak a thlak i kum 14 a si mi Mah Zuh Hlain Tin cu sii-ai lei tlamtlin lo ruang ah a nunnak a liam. Kalay peng thlanglei ralzam hna sin in Sii-ai lei tlamtlin lo ruang ah nun nak liam mi 3 an si cang tiah theih a si. Sagaing ramṭhen kalay peng thlanglei ah hin ralzam 45000 hrawng an um.SAC Ralkap nih rallam an sial lengmang i hi hnu zong ah ralzam an karh chin lengmang kho an si caah eidin le sii-ai an herh tuk tiah theih a si. Cre-TCP