May 12 ah Finnish President Sauli Niiniste & Prime Minister Sanna Marin kum saupi Neutrality an ram a um cang mi cu Russia Ukraine invasion ruangah NATO Alliance si sing mi cu an dirkam ti an langter, Mah lawng si lo in a rang kho chungin NATO he pehtlaihnak ngei si seh tiin an chim chap.
Mah bantuk in an chim hnuah, The Kremlin’s Dmitry Peskov nih fiang cik cek in Russia
nih tuah a tim mi a vun chim cawlh, FINLAND nih NATO he pehtlaihnak a serh ahcun,
Russia security caah tih nung kho tuk lai caah a herh ning tein kan cawlh cang lai tiah a chim. Finland nih European Union he pehtlaihnak an ngei ding mi cu a poi tuk mi a is, lehrulh nak cu a fak tak tak lai, Finland nih mah bantuk in NATO he pehtlaih ding in lam a kawl ahcun,
Russia nih zeimawh thil teteh tuahnak ding caah lam a kan hun piak tinak a si
lai tiah a chim chap Mi vialte nih Russia & NATO karlakah zeibantuk thil a tlung sual lai ti kan phan dih, Natein NATO hi nganter chin lengmang an nih tim caah Russia caah ttih nung a si caah Russia security himnak caah a herh ning tein kan cawlhcang chin lengmang lai tiin Russia nih a chim. Cred-RTK
Kawlram thawngpang.. YeOo peng, Mungtapin khua ah phung-ki 3 telh in khua mi 40 hrawng
cu nizaan May 12 ah SAC ralkap nih ralphaw ca ah an tlaih hna hnu in, nihin May 13 zinglei ah
khua mi 20 hrawng ruak cu hmuh an si, tiah tualchung mi nih an chim. SAC ralkap hna cu a luancia May 10 ah khuachung ah meithal i puah pah in an luh caah, tualchung mi hna cu a himnak hmun ah an zaam hna nain, hawi zaam lio ah zaam lo in khuachung ah a um mi cheukhat cu SAC ralkap nih an tlaih hna, tiah tualchung mi nih cun an chim.
Nihin May 13, ah tlaih a tong mi hna chung in nunnak a liam mi hna ruak cu khua pawng
ah hmuh an si, tiah YeOo peng tualchung hriamtlai phu nih nihin May 13 zinglei ah an thanh.
“Nizaan ah tlaih a tong mi hna chung in minung 8 cu an luat i, SAC ralkap kut in a luat mi hna nih cun, ‘Rawl zong an kan pe lo, nilin lakah an kan pho,’ tiah an chim. Nihin zinglei ah miruak hmuh mi 20 hrawng an si cang, cheukhat ruak cu an kut hri tem bu in mei an khangh hna, cheukhat cu an mui zong a fiang ti lo,” tiah Mungtapin khua in a zaam mi pakhat nih BBC ah a chim. Nihin May 13, ah SAC ralkap hna cu YeOo peng Pegyi khuachung ah lut in khuachung inn 70 in 100 hrawng cu an hrawh i,
facang tin 1,000 leng zong kan sung, tiah YeOo pah-kah-phah phu nih an thanh. SAC ralkap lei nih cun
YeOo pengchung thil cang mi kong ah nihin May 13 chunhnu tiang ah thawngthanhnak an tuah rih lo.
=SAC ralkap sakhan pakhat in ralbawi pakhat le SAC ralkap pakhat cu an hriamthil tampi he CDM an tuah caah Pyituh Pantai nih phaisa sing 30 an pek hna lai i, NUG Ministry of Defence (MOD) nih laksawng an pek chap hna lai, tiah Pyituh Pantai phu nih an thanh. SAC ralkap hmaikal sakhan in ralbawi pakhat le SAC ralkap pakhat cu
SAC ralkap kuttang um duh ti lo in, chuah an duh caah Pyituh Pantai phu sin ah pehtlaihnak an tuah.
Pyituh Pantai nih NUG- MOD le KPICT sin ah bawmhnak an halpiak hna i, a himnak hmun ah an kal kho cang. Hriamthil tampi an i put khawh caah Pyituh Pantai phu nih sing 30 an pak hna lai i NUG Ministry of Defence zong nih laksawng an pek chap hna lai. SAC ralkap sakhan in hriamthil he CDM tuah a duh mi hna nih Pyituh Pantai phu sin ah pehtlaihnak tuah khawh kan si, tiah an langhter. Cre-TCP