Thawngpang a linsa chin lengmang ko ee!! Russia deputy foreign minister, Sergei Ryabkov nih Sky News & BuzzFeed News sin ah Ukarine ah foreign hriamnak an kuat mi hna cu ceilak in thuat ding in cawlhcang nak kan tuah lengmang lai tiin a chim, tih nung chin lengmang ko, Ralpi voihthumnak a nai tuk cang tiin mi tampi nih an chim cang. European Union ram chungah Gas man a fak chin lengmang ko, Russian foreign ministry official Nikolai Kobrinets nih
Interfax News Agency sin ah a chim ning ahcun, a herh ning tein EU ram pawl nih Energy ah Russia
sanctions kan tuah chin lengmang lai i, Russia cungah phuhlamnak kan tuah ve lai tiin a chim.
Channel 4 News’ Lindsey Hilsu report nih a langter ning ahcun, Russia ralkap pawl nih Ukrainian food supplies an phomh. Russian forces hna nih Kherson ah pseudo referendum hman an i tim tiin deputy head of the local council nih Reuters sin ah a chim. French president, Emmanuel Macron, & German chancellor, Olaf Scholz nih Russia president Vladimir Putin cu Ukarine he remnak le daihnak riangran in tuah hna seh ti an duh ning an langter. Cred-Reuters
Kawlram thawngpang…Karen ramkulh, Kawkareik-Mawady Asia road ah nihin March 12 zing Sml 8 hrawng
ah Mawady lei ah a kal mi motor (ke 12 ngei) pakhat cu SAC ralkap nih an kah i motor cu a kaang, motor
khaltu cu motor nih a kanghpi chih i a thi. Motor hi zei bantuk thil hmanh phorh lo in Kawkareik in Mawady lei ah a ra mi a si, tiah theih a si. “Asia lam ah Mawady lei in an ra mi motor ke 12 ngei pakhat cu a kaang i, a khaltu zong a thi. Ka theih ning ah cun, SAC ralkap nih lam an kham i, a dir duh lo caah an kah. Hi thil a cannak hmun hi Tawnaw(တောနော်) tisawr pawng ah a si,” tiah a hmutu khual tlawng pakhat nih Yangon Khit Thit ah a chim.
Nihin March 11 zing tuan nawn ah SAC ralkap 100 hrawng cu Kawkareik in Mawady lampi ah ke in an
kal i cu SAC ralkap pawl nih cun motor cu an kah, tiah tualchung thawngzamhtu pakhat nih Yangon Khit Thit ah a chim ve.
Atu hi Karen National Union(KNU) bridage 6 hmunhma ah SAC ralkap le Karen National Liberation Army(KNLA) hna cu hmaitonh in an um i SAC lei nih ralkap thazaang tampi he an naih hna, tiah theih a si. Nizaan March 11, zaanlei zong ah Kawkareik peng, Taungcia khua ah SAC ralkap le KNLA kar kahdohnak a chuak. Hi kahdohnak ah hin SAC ralkap 5 an thi i, KNLA lei in ralkap 1 hliam a tuar, tiah tualchung thawng zamhnak nih an thanh.
=Chin ramkulh Falam pengchung Rihkhuadar ah nihin March 12, zinglei ah SAC ralkap umnak sakhan
pakhat cu Chin mizapi vengtu ralkap CNDF nih an kah. Cu kahdohnak ah cun SAC ralkap phu chungtel
minung 3 an thi, tiah CNO/CNDF in chimphuannak nawlngeitu nih a chim. Nihin March 12, zinglei suimilam 6:00 hrawng ah India-Myanmar ramri Rihkhuadar no.2 sang ah um mi SAC ralkap sakhan cu CNDF nih an kah. “Zinglei suimilam 6:00 in no.2 sangchung ah a um mi SAC ralkap sakhan cu CNDF nih an kah hna. Cu kahdohnak ah cun SAC ralkap minung 3 an thi i, kanmah lei hliamhma tuar le a thi mi an um lo,” tiah a chim. Cu kahdohnak cu suimilam 1 leng tluk an rau i, zinglei suimilam 7:00 luan hrawng ah
CNDF cu hnu an tolh ṭhan. Kaphnih kar kahdohnak kong he pehtlai in SAC lei nih cathanh an chuah mi a um lo.
Chin mizapi vengtu ralkap CNDF nih Rihkhuadar khuachung um mi no.2 sang SAC ralkap sakhan cu March 7 ah voikhat, March 5 ah voikhat ti in an rak kah cang hna. SAC ralkap hna le mizapi vengtu ralkap CNDF kar kahdohnak ruangah Rihkhuadar pengchung um minung 5000 hrawng cu India ramri lei ah an tlizaam hna, tiah theih a si. Tuzing kahdohnak ruangah hin India ramchung Zokhuathar ah SAC ralkap kuan a tla nain meithal kuan nih a hliamh mi an um lo, tiah theih a si. Cre-TCP