Tu lio kan vawleicung thawngpang linsa bik mi Russia nih Ukraine a tuk mi kongah thawngpang dang a vun chuak than lengmang. Ukraine nih West ram pawl hna cu No fly zone tuah ding in a hal peng hna, Natein West ram pawl nih an tuah ngam lo, a ruang cu ralpi voihthumnak a chuak sual lai ti an ti caah a si. Russia Ukraine Invasion ruangah IS pawl nih bia le hla an vun ngei than mi ruangah mi tampi a lauter ngai hna. West pawl mah bantuk in an lungrei a thei mi hi IS pawl nih Editorial ah an tial ning ahcun,
West pawl hi pathian nih a hrem hna. Mi ram cungah thil tha lo a tuah tawn mi hna an si caah, an tuah
ning bantuk in an cungah a tlung ve lai. Islam ral a si mi hna cu hrawh dih cik cek an si lai tiin a chim. Cre-RTK
Thawngpang dang…. A poi tuk ee, US le NATO nih heh tiah an forh hnuah a tu cu ralkap hmangin an bawmh duh than ti lo caah le Ukraine cungah no fly zone an phuan duh lo caah Ukraine President a lung fak tuk cang i, chim lo ding mi tiang a chim cang tiin mi tampi nih an zaangfah ning heh tiah an chim cang.
Ukrainian president, Volodymyr Zelenskiy nih a chim ning ahcun, Ukraine ramchungah No Fly Zone
tuah duh lo ruangah Ukarine mipi cungah thinak fakpi a chuak zong ah international community pawl
thiam lo ruangah a si lai tiin a chim. Ukraine cozah nih a chim ning ahcun, Power an lak tawn nak nganbik mi Chernobyl in Russia cozah nih a block/disconnect cang hna tiin a langter. UK nih Ukraine refugee pawl caah visa a hau lai tiah a ti mi cu, Ukraine’s ambassador to the UK, Vadym Prystaiko nih mah bantuk Visa lo in Ukraine mipi,
UK ah an um khonak ding caah lam kan kawl piak u tiin a British cozah sin ah nawlnak a tuah.
Atu hi Russia nih Ukraine cu missile tha tha hmangin a thuat thluamah cang i, Atu dirhmun zoh i, Ukraine caah thil tha bik mi cu Ukraine ramcungah No fly zone tuah hi a si. Ukraine President nih voihthum hrawng NATO le US sin ah No fly zone tuah ding in a nawl cang hna. Natein, NATO le US nih Ukraine ram chungah No fly zone tuah an ngam lo.
No fly zone an tuah ahcun atu nak in tih nung deuh mi, West le Russia i thuat a si cang lai i, ral
voihthumnak a chuak lai ti an tih caah an tuah duh lo mi a si. Mah kongah Ukraine President cu a lung fak tuk cang i, Ukraine mipi cungah thil zeipah a tlung ahcun International Community pawl thiam lo ruangah a si lai tiah a chim i, a lungfak ning zong fakpi a chim. CNN nih a tial ning ahcun, Ukraine President cu west ram pawl cungah a lungdongh tuk caah NATO he pehtlaihnak tuah a tim bak ti lo tiin CNN nih a tial. Cred-RTK