Trump hi cu uar um bak ko ti a fiang chin lengmang ko, Trump zong nih fiang cik cek in a rak chim cang, Keimah administration tangah cun Putin nih mah bantuk in zeihman a tuah ngam lai lo. Putin hi ka thei fiang tuk mi a si, Joe Biden santlaih lo tuk caah le Putin nih Joe Biden sining fiangtuk in a thei caah mah bantuk hi raltha tein a tuah ngam tiin a chim.
Republican lei nih an uar ngai mi, Senator Linsey Graham nih a chim mi cu, Trump kha President caah
thatein thim than hna u sih law, Vawleicung nih mah bantuk hi kan tawn lai lo. Idoh a chuak zong ah, US
nih kan ram le miphun sungparnak ding caah kan ral cu kan thuat thluamah ko lai. Atu cu US nih a sunglawi ning nak le an upat a ngei ti lo. Super power kan si ti lo tiin a chim. Republican Senator tampi nih Joe Biden a ralchia tuk ruangah le a foreign policy a dik lo tuk ruangah mah bantuk in ramdang hruaitu pawl nih an tih ti lo tiin heh tiah an soisel cang. Cred-Newsmax
Kawlram thawngpang….SAC Ralhrang nih rian an khinh mi Chin State SAC Pu Ngun San Aung nihcun
Min Aung Hlaing sin ah, “Sniper in kan in kah lai tiah an ka hro peng,” tiah a chim. February 13 i tuahmi
SAC meeting ah Pu Ngun San Aung nih hrocer le ṭhihphaih a tonnak kong cu Min Aung Hlaing sin ah a chim, tiah theih a si. “Tu kar hrawng hi hrocer ka tong tuk, Ka chungkhat sahlawh rualchan tiang in hrocer an tong, Sniper in kan in kah lai, tiah an ka hro, CM ṭuan ti loin Mizoram ah kal ko mawṭaw hlanpiak na si, tiah an ka hrocer pin ah voikhat le bang cu rawl ka einak khaan chung ah
Sniper in meiceu sen in an ka tinhmi ka hmuh i thlalang awng ka van on i a tlau ṭhan,” tiah Pu Ngun San
Aung nihcun Min Aung Hlaing a chimh. Cu SAC meeting ahcun Rih zong hi thinphang a si i Rih chekgate
ah kan ralkap umloin CDF lawngte an um caah ralkap kan chiahpiak tiah Min Aung Hlaing cu a nawl chap, tiah theih a si.
Depeyin Gwe Pin Kone Ah Minung 15 An Tlaih Hna: Depeyin khuapi, Gwe Pin Kone khua cu ralhrang phu nih nihin February 24 ah khuachung minung 15 cu a ruang um loin an tlaih hna i, minung 3 cu ralkham ah an hman hna. Ralkham i an hman mi pathum chung in minung pakhat cu an thah, tiah Voice of Depeyin i upa pakhat nih Yangon Khit Thit ah a chim.
Cu ralhrang phu hna cu Depeyin khuapi Saipin khuapi in an rak ra i thazang 30 hrawng an si, Gwe Pin
Kone khuachung inn cheukhat cu an hrawh hna i facang pawl le cycle pawl cu an duahpiak hna, tiah theih a si. Khuachung ah lut in khua mi 15 cu an tlaih hna i minung pathum lam hmuhsaktu ah an kal pi hna. Saipin khuapi a um mi meithat zung pawng ah an tlaih mi pathum chung ah pakhat cu a ruak in an hmuh. A thi mi pa cu Gwe Pin Kone khua mi a si i a min cu an thei rih lo, tiah Voice of Depeyin i upa pakhat nih a chim. Cre-TCP