US Department of State nih a langter ning ahcun American mi Ukraine ram caah a kalmi, an umnak thei ti lomi kong cu an theipi hna tiin a langter. U.S. Marine veteran Grady Kurpasi hi Ukraine a kal hlan ahcun, Wilmington, North Carolina ah khua a sa mi a si. U.S. servicemen Alexander Drueke, 39, & Andy Huynh, 27 hi
Pro Russian pawl nih an tlaih cang hna tiah thei a si. U.S. Marine veteran Ret. Captain Grady Kurpasi
hi March thla ah Ukraine ah a kal , April 23-24 thawk in a thawngpang thei dingmi a um ti lo
– Russia nih an thah cang lai tiah zum a si. US Marine Corps kum 20 hrawng a tuan cangmi a si, November 2021 ah an rian in an nih ngawl tiah media tampi nih an tial, Media tampi nih an tial ning ahcun, atu Ukraine le Russia i tuknak ah hin America ralkap tampi an nih tel lai tiah an zum ning heh tiah an tial ve. Cre-RTK
Kawlram thawngpang…Inn 600 Leng Khanghpiak A Tong Mi Mawlaik Peng Mipi Bawhchuanh
Hau In An Um! Sagaing ramṭhen Mawlaik peng i khuate hna cu atu thla chung ah SAC ralkap
nih luhhnawh in an thilmansung, suingun chawva le eidin vialte an chuh hna i, an firpiak dih hna pinah an innlo an khanghpiak hna caah inn 600 leng a ciam, tiah tualchung mi nih an chim. Min langhter a duh lo mi pakhat nih cun, “Khuachung ah thilri a firtu SAC ralkap hna cu tualchung mipi vengtu ralkap nih an kah hna i, SAC ralkap lei a thi mi le hliam tuar mi an tam pah caah an thinhun langhternak ah UWah khua
inn 400 leng le Tatkone khua inn 200 hrawng cu aruang um loin an khangh ṭhan,” tiah a chim.
A himnak hmun ah a zaam mi minung 4000 leng an um i, eidin le an ngandamnak ca ah
sii-ai tibantuk pawl le rianrang in hman awk thilri herhhai pawl bawmh an herh, tiah Mawlaik peng ralzaam bawmtu tualchung mi pakhat nih a chim. SAC ralkap nih min theih lo mi civil mi 2 zong an tlaih hna i, a hrem hna hnu ah hngawng tan in an thah hna. Thah a tong mi pahnih cu aho an si ti kan hngal kho rih hna lo, tiah tualchung mi nih an chim. Sagaing ramṭhen, peng cheukhat ah cun SAC nih
internet line an phih i, khuate hna ah cun an duhpoh in an cawlcang, tiah theih a si.
==Yesagyo Ah Palik Pakhat PDF Nih An Fimhlawm!: Magwe ramṭhen Yesagyo peng ah palik
Naing Min Hṭut Khaung cu PDF nih an tlaih lio ah a hriamthil banh aa timh caah kan kahthah, tiah tualchung hriamtlai phu Black Wolf PDF-Mdy nih an chim. Magwe ramṭhen Yesagyo peng no.8 TuKhaWaTi sang ummi palik Naing Min Hṭut Khaung cu Yesagyo khuachung motor aa chokmi hna sin ah ningcanglo tuk in phaisa kholhnak a tuah caah ṭangrual PDF phufonh nih June 16, chun suimilam 12:40 ah kalhnawh in an tlaih i,
lampi hmun pakhat an phanh ah a hriamthil chuh a timh hna caah an kahthah tiah theih a si.
==Yee Khuachung Lakphak Dawr Ah A Ṭhumi Pa Pahnih Kahthah An Si!: Mon ramkulh,
Yee khuachung ah nihin June 17 zinglei ah ZawLatt lakphak dawr i a ṭhumi pa pahnih cu meithal kah an ton caah an thi, tiah tualchung mi nih an chim. June 17, zinglei suimilam 8:00 hrawng ah Ko Kyi Hein le Ko Shi Kyi cu lakphakti dawr chung i an ṭhut lio ah cycle in a kal mi mino pahnih nih meithal in an kah hna.
“A kaptu hi cycle in kalmi mino pahnih an si i, Ko Shi Kyi an kah lio i a pawngkam ah ṭhumi
pa zong an hliamh chih caah an pahnih in an thi,” tiah tualchung mi pakhat nih a chim. Cu thil cangmi cu Yee BiLu phu nih an tuahmi a si i, Ko Shi Kyi cu dalan a si caah a tubantuk in fimhlawm an ton hi a si, tiah an thanh. A luancia June 16 zong ah Yee peng KaBiaWah(ကဗျာဝ) khuami dalan pakhat Monlay timi cu Yee BiLu phu nih an rak fimhlawm bal cang. Cre-TCP