Tu lio kan vawleicung thawngpang ah a linsa bik mi cu Ukraine ruangah Russia le US buainak hi a si. President Joe Biden nih Intelligence pawl nih an chim mi a chim than mi kong he pehtlaih in, i dohnak a chuak hrim ko lai tiin a chim. Satellite picture nih a hmuh mi an langter ning ahcun, Russian Troop tents le field hospital, Novoozenoye, Crimea ah tampi a um ti hmuh kho a si. Russian helicopters, Lake Donuzlav, Crimea, Novoozerne kiangah an chia cang.
Donetsk le Luhansk lei ah Russia lei kap in a ttanh mi hruaitu pawl nih thawngthanhnak an tuah ning
ahcun, pa a si mi poah cu ready tein um cang ding in thawngthanhnak an tuah. Separatist authorities
pawl nih minung 700,000 hna cu hmundang ah an chia cang hna. President Biden nih United States intelligence pawl thawngpang an thei ning ahcun Putin nih Russia a tuk hrim ko lai tiah a chim. Russia lei DPR Militia Spokesman nih a chim ning ahcun Ukraine ralkap pawl nih suimilam 48 chung in i dohnak an phuan lai tiin a chim. Ukrainian civilian refugees tampi hna cu Putin cozah nih a tuah mi tents etc ah chia an si lai,
Cun laksawng/gift $132 an hmuh chap lai. Zarhte ni zing lei ah separatist-controlled city of Donetsk eastern Ukraine
ah bomba puak mi thawngpang tampi thei a si (Reuters). Denis Pushilin, leader Donetsk People’s Republic (DPR) nih
ralkap Reserve ah a um mi hna cu ready in um ding in a theiter cang hna. A hnu ah Leonid Pasechnik, leader Luhansk separatist region, Ukraine mi nih “Mobilisation” ding in thawngthanhnak a ttuah than ve. Ukraine nih voih tampi Crimean peninsula Russia nih kum 2014 ah a lak cang mi ‘separatist-held areas’ cu ralkap thawngnak hmang in lak than a tim peng.
Tu zarh ah Russia nih Belarus le Crimea in ralkap trianing a dih mi hna cu Russia ram ah tampi an kir ter
hna tiin an chim. Natein US le West pawl nih Russia lemcangnak asi tiin an zum lo ning an chim.
President Biden nih a chim than ning ahcun “Russia President Putin nih UKRAINE khualipi Kyiv 2.8 million mipi sualnak a ngei lo mi hna a phomh hrim lai tiah kan zum, Atu hi US nih cun Diplomacy innka kaupi kan onh ko. President Putin nih vawleicung nih a mawhchiat i a soiselnak lo nak ding caah ralkap hna hi Russia ram ah kirter bantuk in a chim mi a si,
Natein Russia ralkap 150,000 leng nih Ukraine tuk ding in ramri ah ready in an um peng. Ukraine’s defence forces nih
a chim ning ahcun pro-Russian rebels pawl nih cease fire kan tuah mi cu suimilam 24 chung in voih 58 leng
an buar cang tiin a chim. Organisation for Security and Co-operation in thil sining a ngiat tu pawl nih Ukraine ramri ah “zeimawh thil a thleng kho mi, mipi lungthin a la ngai mi a um tiin an chim/kinetic activity along the contact line in eastern Ukraine” ah a awm an ti. Tih nung tuk mi Russia nih a tuah cang. Mah bantuk in Russia nih a tuah cang caah
Russia nih Ukraine cu a tuk hrim lai tiah vawleicung media pawl nih an tial cang. US le West an tih ning
bantuk in thil a cang thluamah cang ko. Russia nih “False Flag Operation ” a hmang cang. Zeidah tuah a tim lai tiin zoh a si cang ko . Atu hi Denis Pushilin, head of self-proclaimed People’s Republic of Donetsk, & Leonid Pasechniky, head of the Luhansk People’s Republic (Russia lei tinak) nih nu le ngakchia hna cu himnak hmun lei ah a thial cang hna, Mah bantuk in West le US nih an tih ngai mi a si, Russia nih
Ukraine a tuk ahcun idohnak voihthumnak a chuak lai ti cu vawleicung mithiam pawl nih an zum mi a si.
US President Joe Biden zong nih a rak chim cang bantuk in Russia nih Ukraine a tuk ahcun Ukraine kan bawmh lai tiah a chim ve caah US nih a zoh sawhsawh ve lai lo ti kha a chim cang. Mah bantuk in Russia holh a hmang mi pawl hmun himnak lei ah Russia nih a thial caah Russia nih Ukraine cu a tuk hrim lai tiah an chim cuamah cang. Russia president Putin nih Russia ralkap 190,000 le tanks, artillery, helicopters, fighter jets & missile batteries hna cu a chap chin cuamah tiin US le West pawl nih an chim. Cred-RTK