Former Russian President Dmitry Medvedev nih a chim ning ahcun, Western pawl nih Russia an sanctions an tuah mi cu Russia nih zei ah a rel piak hna lo tiin a chim, RIA state-owned news agency nih a langter ning ahcun, Mah bantuk in Western pawl nih Russia cungah sanction an tuah mi cu an hrut ruangah a si, Russian society hna lungkhat tein a kan um tertu a si tiin tial. US Secretary of State Antony
Blinken nih Russia cu khuachia bantuk in a puh than i, Russia nih Ukraine mipi sualnak a ngei lo mi hna heh
tiah a that hna, Russia thil tuah ning hi fih nung tuk mi minung thahnak a si tiin a chim- “this inhumane war” Cre-RTK
= SAC airforce ralbawi airforce hruaitu bochohgyi Thun Aung, tainhmu bohmuchioh Ko Ko Ule tainghmu bochoh Zaw Heim telh in minung 8, Bridage 66 le company 5 cu US le British nih phihkharnak a tuah hna tiah theih a si. Phihkhar a tongmi hna ah hin Dr. Aung Moe Myint le Aung Hlaing Oo zong an i tel i Dr. Aung Moe Myit hi Dynasty International Company Ltd ah Director a si i Myanmar ralkap ca i hriam
thilri cawknak lei ah rianngeitu pakhat a si. Cun Belarusian Chamber of Commerce and Industry chungtel zong a si.
Aung Hlaing Oo hi Myanmar Chemical and Machinery Co Ltd(MCM) Director a si i MCM hi ralkap
hriamnam le chawhlehthal nak ah a bawmtu hrampi a si tiah theih a si. Bridage 66 hi minung nunnak zeirel loin minung a phu phu in thahnawnnak tuahtu an si caah blacklist ah an khumh ve hna nak hi a si. Britist le US nih an phihkharmi company hna cu ”Dynasty International Co Ltd, , Myanmar Chemical and Machinery Co Ltd, Belarusian Chamber of Commerce and Industry, Miya Win International Ltd, Intenationnal Gateways Group Company Ltd hn na si.
Htoo Group of Companies le Asia Green Development Bank Ltd cu US nih phihkharnak a tuah chap
Laitlang thawngpang… Kawl Ralkap Tthing MDF (Mara) Hruaitu nih CDM Palik (CDF-Mara Ralkap)
Meithal in a Kah. Kawl ralkap a rak ttuan balmi Maraland Defense Force (MDF) ralkap haotu Pu Sipa nih CDM palik (CDF-Mara ralkap) Mang Hrin (25) cu March 25 zaan sml. 9:00 hrawng ah Ngaphaite khua ah meithal in a kah i a nunnak a liam, tiah Ngaphate khua upa nih The Chin Journal ah a chim. “Meithal in a kaptu pa hi Kawl ralkap a rak ttuan tthingmi a si i atu MDF ah ralkap lei haotu a simi Pu Sipa a si.
Kawl ralkap a rak ttuan lio ah bomb nih a kee ah a puah hnawh i pension in aa dinmi a si,” tiah a chim.
Pu Sipa nih CDF- Mara ralkap haotu pakhat zong a phei ah a kah ve caah hliamhma a pu. “Kan khua ah a
rak phanmi MDF ralkap hi minung 9 an si. Hriamtlai cio kan si tik ah kan khua an rat cun thawng na kan thanh ta hmasa awk a si kan ti hna. Cu dih cun an hruaitu Pu Sipa nih kan khuabawi inn ah meithal a kan puah hnawh len,” tiah a cunglei upa nih a chim. March 25 zaan ah khua sianginn ah khuami, MDF le CDF-Mara biaruahnak an ngei hna i biaruahnak a dih hnu ah hi thil a can hi a si.
“Tha tein biaruahnak ngeih ding kan ti caah kanmah CDF-Mara lei cu meithal zong an i ken lo.
Biaruahnak zong an tuah dih cang ko. MDF haotu Pu Sipa hi tlaih i ttha tein chimhrin biaruah ding an ti.
A meithal chuh an timh ah CDF-Mara haotu pa cu Pu Sipa nih a phei ah a kah. Cun, CDM palik a simi Mang Hrin nih a zuan hnawh i a kah ve. Mang Hrin cu a nunnak a liam. Cu dih cun meithal voi 60 hrawng a kan puah hnawh i an zaam,” tiah thil sining a chim.
A nunnak a liammi Mang Hrin cu nihin March 26 zaanlei sml. 4:00 hrawng ah an vui.
Hi kong he pehtlai hin CDF-Mara nih CNF sin zong ah thawng an thanh hna i, CNF lei zong nih thil
sining ttha tein kan hlat lai an ti, tiah a cunglei upa nih a chim chap. “Atulio thil sining cun MDF le CDF-Mara cu dirhmun aa ralkah tuk i biaruahnak tuah zong a har ngaingai cang lai. Hi thil a can hnu ah MDF upate lei zong in CDF-Mara sin ah pehtlaih i chawnhbiak le ngaihthiam halnak zong a um rih lo,” tiah a chim.
MDF hi atulio ah thazang 60 hrawng an si lai tiah an zumh i AA sin ah raldoh a cawngmi an si.
SAC ralhrang nih Myanmar uknak an chuh hnu in zapi theih in a langmi hriamtlai an si nain SAC ralhrang doh an tim lo, Mararam kong tu ah cawlcangh aa timmi an si, tiah MDF kong a theitu hna nih The Chin Journal ah an chim. Mizoram, Saiha khua ah hram a bunhmi “Mara Administrative Territorial Council” (Mara Hmunram Uknak lei Council) le MDF hi pehtlai in rian an ttuan, tiah Mara upa pakhat nih a chim. – The Chin Journal