Salai Lungthli Tum nih a ka hlen cik cek. by-Mai Dawt Sui, USA

Mah bia hi ka sum khoh ti lo caah ka chim mi asi, tu lio boruak kan zoh ah cun chim lo in ka um khoh ti lo caah si. Kawlram a chia tuk ruangah kan ram chinram cu kaltak in ramdang ah fakpi in rian kan ttuan. Kan kawlram hi tha cang seh law, Chungkhar nu le pa le u le nau pawl he nuam ngai in um tih kan duh tuk cang.

Chungkhar, nu le pa le u le nau pawl he hmunkhat tein umti tluk ah nuam hi a um hnga maw? USA ah kan um, tangka lei cun lungrethei tuknak lam a um lo, rian kan ttuan khawh chung cu, natein lungthin a dam khoh bal lo, a ruang cu kan ram, Pathian nih akan pek mi, ‘Chinram’ hi lungthin ah a um peng caah si

Kum 2020 Election cu anai chin lengmang. Political Parties pawl nih an candidate mipi sin ah an vun phuan thluamah cang. Tu kum 2020 Election ah cun thil mak ngai mi ka hmuh lai tiah ka zum, natein a ka hlen cik cek.

Aruang cu, Chin mipi nih party pakhat kan ngei ve mi CNLD cu Chinmi nih dirmi a si. Mah Chin party hi tu lio kan mino, mithiam pawl nih fakpi in an dirpi lai tiah ka hmuh ning a si. Mino a si mi nih kan Chinram caah kan ttuan lo ah cun kan chinram caah cun ruachannak a tlawm tuk cang lai.

A hlei in Salai Lungtli Tum hi ka rak theinak a sau ngai cang. Chinram caah fakpi in rian a ttuan lai i, Chinmi nih amah ruangah kan ruahning le kan lungput zong tam deuh kan nih thleng cang lai tiah ka rak ti tawn. Hakha ah Chin pai a tuah, buu a dir. Chin mino nih kan uar tak tak. futsal a dir. Chin mino caah a rian ttuan ning ka vun zoh tikah ka uar tuk mi pakhat a si. Natein mah vialte hi amah pumpak miaknak caah lam a kawl mi lawngte a rak si. A ruang cu tu hi a tuah ti lo. Amah pumpak mianak a um lo ti athei caah tu cu a pehzul khawh ti lo.

Ka chim duh bik mi cu, Chin Party doh a tim ruang ah a hlan in Pu. No Thankap nun, a bia le hla vialte kha tu lio Election ah hin fakpi in avun chuah pi. Minung a tling mi kan um tung lo. Kan nun zia a luangcia mi kha zoh ah cun a dingfel mi pakhat hman kan um tung lo.  CNLD hi Pu. No Thang Kap nawlngeinak ah um mi a si lo. Chairman pathum an um. CNLD nih cozah an ser khawh lonak tampi a chim. Chinram a dawt tak tak ah cun, Zia, CNLD nih Cozah an ser khawh lonak a thei ah cun Chin Party nih Cozah an serh khawhnak ding caah fakpi in a zuam lo?  Mah bantuk minun hi ram le miphun a hlen hmang mi cu an si. Chin party nih cozah an ser khawh lo ti a thei ah cun an ser khawhnak ding caah fakpi in an zuam ding a si.

Mah bantuk cu Chinram le miphun a dawt mi cu an si. Chinram caah policy zoh lo in Apu, Zo bawi a tling tthan khawhnak ding caah mah bantuk in fakpi in CNLD le Pu. No Thang Kap a soisel mi ka hmuh tikah, Salai Lungthli Tum hi nih a ka hlen cik cek. Chinram a dawttu mino pakhat bantuk in ka rak hmuh tawn mi Salai Lungthi Tum kha a rak si ti lo. Mah bantuk minung hi Chinram a dawt lo mi cu an si. Chinram/Chin Party hi chin mipi nih kan dirpi lo ah cun aho nih dah a dirpi lai?

CNLD cu Chin mipi ta pei a si cu. CNLD nih hi a policy a that lo ah cun a diripi lo zongah ka thei thiam, natein mah bantuk in Chinram caah policy a ngei mi dirpi lo in a doh lengmang mi hi ka hmuh tikah ka celh bak lo.  A pu. Zo Bawi lawng caah rian ttuan i tim lo in, Chin mipi dawtnak he rian ttuan i tim cang seh. Mah hi ka chim hmasa lai i, a hnuah fiangtein chim a her ah cun ka vun chim tthan lai. Ka lawm. Credit- Mai Dawt Sui. USA

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Salai Lungthli Tum nih a ka hlen cik cek. by-Mai Dawt Sui, USA"

Leave a comment

Your email address will not be published.


*