Tump hi cu a lar bak ko, a lar chin lengmang ko, Former President Donald Trump nih a ngei mi Social media platform “The Truth” ti mi cu suimilam 48 chungin minung 500,000 an hmang tiin langter a si. Newsweek nih a langter ning ahcun, Trump nih a ngei mi Social Media “The Truth” cu apple Marketplace ah pakhatnak dirhmun ah a um tiin a langter
Mah Trump nih a ngei mi social media “The Truth” cu Apple lawngah hmang kho a si i, Atu hi US le
Canada ah lawng hmang kho a si ri tiin Pocketnow.com nih a langter. Trump le a hawikom nih mah
The Truth hi an dirmi a si, a ruang cu Twitter, Facebook le Youtube ah Trump cu cawlhcang kho lo bak in an tuah caah a si. The Washington Post nih a langter ning ahcun, Trump nih a ngei mi Social media “The Truth” cu suimilam 13 chung buainak a ngei i, a ruang cu a hmang mi an tam tuk caah, Minung 300,000 cu mah Trump Social Media “The Truth ah an lut kho lo
a ruang cu a lut mi an tam tuk caah an server nih tlawmbal buainak a ngei tiin a chim. Cre-Newsmax
=Russia le Ukraine tukkahnak ah Ukraine lei in minung thong leng an thi cang. Ukraine mipi an tuar tuk
cang i zangfak bak an si ko cang ee. A tu tiang Russia le Ukraine i kahnak ahhin minung thong leng an thi cang i minung thong tampi hliam an tuar cang hna. Hlaim tuar mi hna cu sizung ah a tomtom in an kalpi ko hna tiah media pawl nihcun an chim. Nihin zing ah khan Putin nih Ukraine ka kah cang lai tiah zing sml 5:00AM hrawng ah khan thawng a thanh i zing sml 5:30 hrawng ah Russia nih Ukraine cu kah colh.
Ukraine khuapi Kyiv tel in nichuah lei khuapi poh cu Miakpi le Vanlong hmanh in a kah colh hna.
Russia nihhin Ukraine cozah inn a biapi deuh mi, raltuknak Vanlong an chiahnak airport pawl le
ralkap sakhan pawl kha a kah hmasa hna. Ukraine lei nih lehnak an tuah colh ve. Russia Jet fighter pawl Ukraine ram chung ah tampi an zuang colh i Vanlong in ralkap pawl cu Russia nih Ukraine ram ah a van thlak thlauhmah colh hna. A tu tiang an dirhmun ahhin Ukraine nichuah lei state cu Russia nih an control dih ko cang ti a si. Russia le Ukraine ram kong a kahnak kong ah UN General Secretary zong nih ngol cang.
Daihnak sernak ding ah can na nei ko a ti. France President le Britist President zong nih Russia cu ngol cang tiah
an hun mawh chiat len. Russia nih ngol a tim ti lo. Ukraine ram hi lak lawlaw kha Putin nih a duh mi a si cang.
=Japan le Australia hna nihcun US le Nitlak lei ramdang hna nih lamkip in Russia an phihkhar bantuk in Russia cung ah phihkharnak an tuah ve. Russia Hluttaw nih February 22 ah President Putin cu a ralkap hmannak nawl a pek cang i, Ukraine ramchung Luhanks le Donetsk state pahnih hna cu Putin nih Independent ah a cohlan hna hnu in Russia ralkap an lut colh.
Russia nih Ukraine ramchung i a ralkap a luhter hna bak in Italy nih Boltis hmun ah ralkap
thazaang 800 tluk simi Battalion pakhat ready in a chiah colh hna i Germany zong nih F-35 Jet Fighter 8 le Apache Raltuknak Helicopter 20 a chiah colh ve i cu hna cu i runvennak lawng ah an si rih i, Russia kahnak cu an si lo, tiah US President Biden nih a chim. Ukraine President nihcun Reserved Army pawl zong Russia ral lehrulh ding ah timhcia tein um u, tiah a auh cang hna. Atu zanlei thawng kan hlat khawh tiang ah Russia nih Ukraine khuapi ngan deuh- Kiev, Kharkiv, Odessa, Mariupol le Kramatorsk hna a kah cang hna i, civil mi 100 reng lo an thi cang, tiah media cheukhat nih an langhter. Cre-TCP