Taliban palw nih US ralrinnak an pek. Joe Biden a rian a tei lo tuk caah US cu a mualpho chin lengmang cang

Joe Biden a rian a tei lo tuk cang, US le Mexico border ah Trump nih Wall a sak mi cu a dawngter, natein phunglam loin US ram chungah ara mi an tam chin  lengmang caah border agent le president Joe biden karlakah buainak a chuak ning kong ka vun tial cang

Border ah fakpi in mual a pho cang i, mah hnuah afghan Withdrawal ah fakpi in mual a pho than hoi.

US ralkap 13 thinak kongah Joe Biden cu fakpi in soisel le thangchiat a si i, Afghan withdrawal kongah lih a chim mi le border issue kongah a rian a tei lo tuk caah

House le Senate ah republican pawl nih Democrat nak in an tlawm deuh ti an thei buin Joe Biden cu impeach tuah ding in file an ap cang. Atu cu thawngpang thei nuam lo tuk mi Afghan, Taliban pawl nih an vun ngei than hoi.

Taliban pawl nih US sin ah ralrinnak/warning an pek hna i, Afghan ram chungah Drone Strike tuah ti lo ding in ralrinnak an pek.

Afghan ram chungah Drone Strike na tuah peng mi hi international phunglam buar a si hlei ah Islamic Emirate of Doha, Qatar  i remnak na buar tiin.

 

Taliban nih US ralrinnak an pek mi cu Iran media pawl an nih nuam ngai i, kum 20 chung Afghanistan ah US ralkap pawl nih an i uapi ngai mi Drone Strike an tuah tawn mi kongah Taliban pawl nih US ralrinnak an pek mi cu Iran media pawl an lung a hmui ngai

Iran Fars News Agency Wednesday nih a langter ning ahcun, Taliban pawl nih US warning an pek mi kongah,

US nih Drone Strike a ngei peng ahcun buainak fakpi a chuak khawh mi a si tiin, Natein February 2020 Doha Peace Accords bantuk in Afghan Airspace hmang sian lonak kongah zeihman biakhianak kan ngei lo tiin US nih lehnak an tuah than. Cred-RTK

Laitlang thawngpang chia…SAC Ralhrang nih Pu Ral Tu an Kah, a Nunnak a Liam. Nihin zaanlei sml. 6:30 hrawng ah

Thantlang khua upa Pu Ral Tu (kum 73) cu Thantlang khuachung ah SAC ralhrang nih an kah i a nunnak a liam, tiah thawng kan theih. Pu Ral Tu telh in minung 5 hi Hakha in Thantlang ah an rak ra i, khualuh kaa Pu Aung Bu innhmai ah meithal in kah an ton hi a si.

Pu Ral Tu cu Hriangkhan khuami a si i, hlanlio biaceihbawi a si. Atulio Thantlang khuapi zong ah pacan ah bochanmi a si.

Thimnak ah USDP in a rak i cuh balmi Pu Zo Peng zong a lu ah an hliamh ve nain nunhim in a um.
Pu Lawm Bik, Pu Than Heng le an motor mongtu cu an him hna. Zei ruang ah dah Thantlang khua ah an kal timi kong fiang in kan thei kho rih lo.