Taliban pawl nih ISIS pawl thawnginn in an chuahmi zat langter a si

US caah tih nung bik mi cu ISIS hi an si, ISIS nih a tim bik mi cu vawlei cung ah Muslim pawl biaknak hi a ngan bik si seh ti hi a si, Taliban nih cun Afghan ram chungah muslim nih nawl kan ngei ding a si ti hi a si

US caah tih nung ngai mi, ISIS hna cu Taliban pawl nih Afghan ram an kut tangah an chia hnu bak in IS tampi cu thawnginn in an chuah hna.

Pentagon press Secretary John Kirby nih a chim mi cu, fiangtein kan thei mi cu, ISIS minung thawngkhat leng cu Taliban pawl nih thawnginn in an chuah hna.

Hamid Karzai International Airport ah bomb blast an tuah hnuah, atu hi, mah bantuk in bomb puah a tuah mi hi, Taliban pawl nih thawnginn in an chuah mi pawl an nih tel ve maw ti zoh cuamah lio a si tiin a chim. A chim than mi cu, a zat cu kan thei fiang lo, natein thawngkhat leng cu an si ti cu fiangtein kan thei hna.

Mah ISIS pawl thawnginn ah an chia mi hna hi Guantanomo thawnginn lei ah thial an si lo, a ruang cu Mah thawnginn hi Afghan National Security Forces tangah chia ding in lam kawl a si caah tiin a chim. Cred- Breitbart

Kawlram thawngpang…. NUG, PDF nan bawmh hna ahcun hrem nan si lai tiah ralhrang nih an tlerh hna Mon ramkulh,

Ceihthu ah chawlehthalnak a tuah mi hna cu NUG le PDF nan bawmh hna ahcun hrem nan si lai tiah rallokap nih an auh hna i an tlerh hna.Ceihthu ah chawlehthalhnak a tuah mi hna cu pengkomh zung ah an auh hna i an tlerh hna hi a si.

NUG, PDF phu hna cu ralhrang an si caah bawhnak nan pe lai lo nan pek hna ahcun phungning tein hrem nan si lai tiah an ti hna.

A tuah cang mi nan um sual ah le hmailei ah nan tuah ti nak hnga lo tiah an chim” tiah auh mi chungtel rianngei pakhat nih a chim.

Mah i tonnak cu rallokap phu nih bau lo tein kai ding ah an kan chimh caah CeihThu peng um Khualriah nak hmun, rawl dawr ngei tu hna kan kai.

Rallokap nih CRPH,NUG,PDF phu hna cu tlaih khawh ding in thawng a thanh tu tlaih piak kho tu cu an tlaih mi hna he pehtlai in a tlawmbik taangka sing 5 in a tam lei cu rikhiah um lo in a tawkzawn te ah laksawg pek a si lai tiah thawng an thanh. #Than Lwin Time