Kawlram cu buainak ruangah sianginn tampi khar a si, Sianginn tampi onh than a si ve. Nihin January ni 4 ah Tamu High Scholl-2 ah cachimtu le siangngakchia le an nu le pa sing in Covid a ngei mi minung 53 an si tiah thawngpang thei a si. Nihin ah siizungah a tuantu mi 6 sin Covid hmuh a si ve i, an dihlak in 59 an si tiah thei a si
Zahan ah Tamu siizungah Covid a ngei mi 29 hmuh than an si. Atu hi Tamu ah Covid a ngei mi an
dihlak 88 an si tiah thei a si. Nihin ah Tamu sianginn-2 ah Covid a ngei mi 53 hna cu an sianginn kainak
ah zohkhen an si. Kawlram chungah thawngpang a chia chin lengmang caah Chinmi kan umnak kip ah ralring tein kan um a her ngai. Kawlram a buai tuk cang caah hmun tampi ah Covid update tuah kho a si ti lo, cucaah Covid hi kawlram chungah a rak tam ngai, natein media pawl nih update an tuah kho lo caah ralring tein um peng ding kan si. Cred-Tahan Group
Thawngpang dang….Kawa ramthen Dimawsuh myo sung ih mipi dam lo pawl hrang ah ti in DMO-PDF mipi
humhim tu um tam nak hmu pakhat asi ih CANAAN sing zung tin tu ni ah hming tuah cih ih on nak can tla an hmang an nei cih asi. Crd- Kalay mino
=Nizan January 23 ah Karenni ramkulh, Demosso peng, Hopheih(ဟိုဖိတ်) khua le Saihkun-2(စိုက်ကွင်း) khua lei ah ralhrang an kal i, an kal lio ah Karenni ralkap nih an rak kah hna. Karenni mizapi vengtu le ralhrang hna hi sumilam 10 chung hrawng an i kap lai, tiah ruah a si. Ralhrang nih an umkalnak ah mipi inn zong an khangh pah, tiah theih a si.
Nizan kahdohnak kong he pehtlai in Kareni ralkap nih cathanh an chuah mi ah a langh ning ah cun,
Zingka suimilam 8:00 in zanlei suimilam 6:00 tiang an i kap i, ralhrang a thi mi zong an tam. Karenni
ralkap pakhat hliamhma a pu. Hopheih le Tapyitaw khua ah mipi inn 9 cu mei in an khangh. January 22 zong ah Hopheih le Tapyitaw khua i kahnak a fah tuk caah khua mi tampi an zaam hna i, a zaam manh lo mi khua mi pahnih cu ralhrang nih an tlaih hna i an thah hna, tiah KNDF nih cathanh an chuah fawn.The Chin Post
=Chindwin tiva ah Mongwa in a rak kai mi riahcaw a phortu ralhrang tilawng cu mipi vengtu ralkap hna i
bawm nih nizan January 23 ah Kani peng, Muhngaw(မုဌော) le Ngawngpinwin(ညောင်ပင်ဝန်း) khua karlak ah an kah hna.
Hi kahdohnak ah hin ralhrang lei in ralbawi senthum pakhat le midang 4 an thi, tiah theih a si. “Kahdohnak hi January 22 zanlei in aa thawk cang. Zaan ah i kah deuh a si caah a thi mi fiang in kan thei kho lo. January 23 zingka suimilam 11:00 hrawng i kahnak ah ralbawi senthum pakhat le midang 5 an thi, mipi ralkal nih an kah mi hna hi tilawng 9 an si,” tiah Kani-PDF in chimphuannak nawl ngeitu pakhat nih Yangon Khat Thit media ah a chim. Cu ralhrang tilawng pawl cu Kani-PDF, MPDF, Golden Triangle Forces le M&K The Boys phu aa fonh mi nih an kah hna tiah theih a si.The Chin Post