America nih heh tiah thil man lei ah harnak an tawn lio ah le thil man a kai i, rian a tlawm lio ah le US nih economic lei ah heh tiah harnak a tawn lio ah Biden thil tuah mi nih US mipi thin a hun ter ngai. President Joe Biden nih
American caah tangka kawlnak lam a theih lo lio ah le federal cozah tangka docawh lei ah heh tiah lam a kawl cuamah lio ah
White House nih Christmas tree $139,000 man a cawk i, ttam nak ding caah $171,000 a hmang hlei ah le
Christmas decorations Eisenhower building & Jackson Place caah $41,000 an hmang chap caah American mipi nih president Joe Biden thil tuah ning cu heh tiah an soisel i an mawhchiat cang. Atu hi US ram chungah Supply chain nih harnak tampi a tawn cuamah lio a si,
inflation ah heh tiah an buai cuamah lio a si fawn. America mipi tampi rawl tam in an um lio, food bank le
stimulus package chungkhar tampi nih an nih bohchan lio a si.Mah bantuk in US nih caan chia a tawn lio ah White House ttamnak ding caah Biden chungkhar nih hi zat tangka an hmang mi ruangah US mipi tampi nih an mawhchiat cang hna i,
Biden family nih American hi an dawt tak tak lo i an mah chungkhar nuamnak ca lawng thil an tuah tawn tiin American mipi tampi an lung a fak ngai. Cre-RTK
Laitlang lei thawngpang… Thantlang Ah Ralhrang Nih Inn An Khangh Than. Nihin November 28, zaanlei suimilam 4:00 hrawngin ralhrang nih Thantlang khuachung hmunhnih in mei an khangh than tiah theih a si. Nizaan zongah ralhrang inn khanghnak ruangah
Thantlang khuachung inn 96 a kang than cang. Nihin tiangah ralhrang nih Thantlang khuachung inn an khangh hi a voi 10 nak a si cang.
Thantlang Roman Catholic Biakinn a kaang, Thantlang khua, View Point thlang Seihpyozi sang ah a ummi St. Nicolas Catholic biakinn zong mei nih a kangh cang. Tu ni in cun a voi 9 nak Thantlang khua Ralhrang nih mei in an khangh asi cang i mah chung ah Biakinn pali a kaang cang. Cre-TCP