Tarnu Pakhat cu a Thi Cang an Ti i Vui an Timh Lio ah a Nung Than

India ram Maharastra, Mudhale khua i kum 76 a si cang mi tarnu pakhat cu a chungle nih a thi cang tiah a ruak cu meikhangh/vui ding an timh lio ah a tho than tiah theih a si.

Tarnu hi a min cu Shakuntala Gaikwad a si. Kan hnu zarkhat hrawngah khan Covid positive ti an theih caah leng chuahter lo in inn ah chiah a si. A dirhmun cu that lei a panh lo caah le a mah hi kum upa a si caah siizung panhpi a si.

May 10 ah khan a chungle nih siizungah mizaw phur mawtaw nih a kal pi i a umnak ding an remh kar mawtaw chungah a um lio ah mah hngalh lo, chawnhkhawh zong si lo in a um.

A chung le nih a thaw a chuah ti lo, a cat cang an ti dih hnu ah chung le khat hna cu chim in vui nak zong timh tuah a si dih hnu Meikhangh ding an timh lio ah tarnu cu a mit a rak au i a rak tap.

A chung le zong an khuaruah a har dih, a ran khawhchung in Baramati Silver Jubilee Siizung ah an tlik pi colh tiah theih a si. Credit-TcP

Be the first to comment on "Tarnu Pakhat cu a Thi Cang an Ti i Vui an Timh Lio ah a Nung Than"

Leave a comment

Your email address will not be published.


*