Joe Biden nih Iran Nuclear Deal kongah former President Trump nih a rak phih cang mi kha pehzul than dingin biakhinak a rak tuah mi kongah Republican pawl minung 32 Sen. Ted Cruz of Texas hruainak in Joe Biden sin ah cakuat an tial. Trump President a rak si lio ah Iran tangka tampi sanction a rak tuah mi hna kha Joe Biden nih a dawngter cang i, Iran caah thawngpang tha tak tak a si.
Mah bantuk in Joe Biden nih Iran Nuclear Deal ah timtuahnak a ngei caah le Iran cozah US nih
Sanction a rak tuah mi cheukhat cu a donghter caah Israel zong President Joe Biden thil tuah ning
kongah a lungtha lo ngai. Mah bantuk in President Joe Biden nih Iran a dirkam caah Republican Senator pawl nih President Joe Biden sin ah Joe Biden thil tuah ning an duh lo ning ca an tial, President Joe Biden nih Iran Nuclear Deal pehtlaihnka a tuah than mi kongah Ted Cruz he a hawi 32 nih, Joe Biden thil tuah mi hi Senate ah kan block lai tiin Joe Biden sin ah theiternak ca an tial. Cred-NewsMax
Thawngpang dang=Nawlngeihnak latu ralhrang phu hna he remdaihnak biaruahnak ah tlangcung
hriamtlai phu dihlak i tello ah a ṭha, tiah CNF chimphuannak nawlngeitu Salai Htet Ni nih a chim.
Ralhrang phu hna nih tuah mi 2008 phunghrampi cu CNF/CNA nih lungtlinpinak kan ngei lo, rampi nawlngeihnak a latu Min Aung Hlaing hruai mi ralhrang phu hna he biaruah ding kan ngei lo, tiah CNF chimphuannak nawlngeitu Salai Htet Ni nih a chim. Mizapi lei ah a dir mi tlangcung hriamtlai phu dihlak nih,
ralhrang phu he daihnak kong ceihṭi ding in sawmnak ah tel a herh lo, tiah Salai Htet Ni nih cun a chim chap.
“Ralhrang phu nih a duh mi ramkhel kong ton biaruahnak ah i tel cu mizapi nih an doh mi thil a si.
Mizapi lei kap ah a dir mi hna nih cun ralhrang phu nih an tuahmi thil pohpoh doh ding, sawmnak an tuahnak hmun zong ah kal lo ding. 2008 phunghrampi a cohlang mi kan si lo.. Ralhrang phu nih nawlngeihnak an laak thawk in anmah he zeihmamh biaruah ding kan ngei lo,” tiah Chin ralkap chimphuannak nawlngeitu Salai Htet Ni nih a chim.
Min Aung Hlaing hruaimi ralhrang phu nih February 12 ah tuah dingmi pyi-thawng-suh ni caan
hmannak ah tlangcung hriamtlai phu dihlak cu tonbiaruahnak ngei ding in sawmnak an tuah i, democracy le federal democracy dirhkhawhnak ding remdaihnak ding ah biaruahnak kan tuah lai, tiah ralhrang phu hna nih cathanh an chuah.
Atu ah Chin ramkulh Mindat, Matupi, Thantlang, Tedim le Kanpetlat hna ah nawlngeihnak latu ralhrang
phu hna le Chin mizapi vengtu ralkap phufonh karlak faak ngai in kahdohnak a chuak, tiah theih a si. CNF/CNA le Chin mizapi vengtu ralkap phu 16 i fonh in Chinland Joint Defense Committee(CJDC) cu 2021, September 30 ah khan rak dirh a si. CJDC nih cun ralhrang phu lei ah a dirmi cu zei bantuk phu le zei bantuk minung an si zong ah kan doh hna lai, tiah cathanh an rak chuah.Cre-TCP