Texas um Chinmi ralring chin hna u sih. Texas Sibawi nih Joe Biden a nawlnak a tuah cang

Phunglam loin US ram chungah a lut mi an tam tuk ruangah le Covid a ngei mi an tam tuk cang caah le Joe Biden nih Texas state chungah zeihman phunglam serpiak lo in an duh duh in a um ter caah Texas cu zaangfah an si cang. An dirhmun a tha lo tuk cang. Mah kong hi a ka rak tiak cang kha. A hnung bik

Covid test an tuah nak ah minung 7000 leng Covid an ngei, natein an duh duh in an um nak kong ka rak tiak cang kha.

Atu Texas dirhmun a tha lo tuk cang caah le tih nung tuk caah Texas border ah sibawi a um mi nih President Joe Biden sin ah nawlnak a tuah cang.

President Joe Biden sin ah nawlnak a tuah ning ahcun, Texas border ah phunglam loin US ram chungah a rah mi poah cu buaipi ti loin rian vialte ngawlter ding in a ti hna. Aruang cu  mah bantuk in a si lengmang ah cun Texas mipi caah tih a nung tuk cang lai tiin President Joe Biden sin ah nawlnak a tuah

Sibawi a lar ngai mi, Dr. Antonio Falcon, Rio Grande City, Texas ah a um mi nih Foxnews sin ah a chim ning ahcun,

a luancia zarh ah phunglam loin US ram chungah a rah mi, Texas border in a rah mi nih a luang cia thla nak in kan hnung zarh ah 900% nih Covid positive a ngei mi an tam deuh tiin a chim. Cre-Foxnews

Kawlram kong thawngpang…Me Cazin Palhnak Kong Ramdang Palai Hna Hmaiah Kan Hrilhfiah Lai 2020 Kawlram thimnak ah me palhnak kong he pehtlaih in ramdang palai hna kan au lai hna i, an hmai ah kan chimfian lai tiah ralhrangbu hruaitu Bochokhmukyi Min Aung Hlaing nih August 7 Naypyitaw SAC zungah tuahmi SAC meeting a chim.

Rampi thimnak cu president thim dingin aiawhtu thimnak a si i, president nih cozah a ser lai i, biaceih bawi hna a khinh ding a si.

Uknak, biaceihnak le upadi sernak vialte a tawlrel tu ding an si caah me dik lo in thim mi cozah cu dinnak zong a um lo. Me cazin dik lo mi kan hmuh mi cungah chimfianh dingin kan ti zongah an tuah hlei lo. Me a dik lo mi kong he pehtlaih in ramdang palai hna kan auh hna lai i, tette he kan chimfian lai tiah ralhrangbu hruaitu nih a chim.

Ralhrangbu nih kan hnu cozah lutlai hna hremnak kan pek mi hna hi ramkhel kong a si lo,

phung an buar ruangah kan hremmi hna a si. Ralhrangbu nih me cazin diklo kan theih hnu December le January thla ah chawnhbiaknak he kan tawlrel nain an duh lo hnuah ram ralchanhnak zong an tuah rih tiah Bochokhmukyi Min Aung Hlaing nih a chim.
Ref; TRN