Thawng chia bak si; Joe Biden nih President Trump cu Debate a tuah ngam ti lo; A ruang cu

A poi tak tak, mipi nih Debate ngai an duh tuk mi cu a tlamtling khawh ti lai lo. USA Presidential race ah cun debate hi a hertuk mi le mipi nih zoh an duh tuk mi pakhat a si. Kum 2016 ah Trump le Hillary zong debate thatein an rak tuah cang.

Trump le Hillary Debate ruangah Trump bia chim mi cu mipi nih an duh ngai i, an cohlan ngai caah Hillary zong kha a tei khawh mi a si, natein Joe Biden cu Trump he debate tuah lo ding in former White House press secretary Joe Lockhart nih Joe Biden cu a chim cang

A chim ning ah cun “thil dang cu na duh poah na tuah khawh, natein Trump he cun debate vun tuah hla” tiah a chim. Aruang cu, Washington post nih alangter ning ah cun, Trump nih 20,000 leng lih bia a chim tiah a ttial. Thatein phunlam a zulh khawh lo mi he ring chungah debate tuah cu mihrut thil tuah a si.” tiah a chim

Debate tuah lo ruangah Republicans le media nih fakpi in an soisel lai, natein bia hmang a chim duh lo mi he debate tuahnak in cun tuah lo ah, mi nih soisel ah um zong a tha deuh”‘ tiah a chim

Mah bantuk in white House former Secretary nih a chim mi cu, Senator Ted Cruz, R-Texas nih a lehcawlh i, Former Vice President nih a umnak inn tang (Basement) in interviews a tuah tawn mi cu Trump a dirkam tu pawl caah cun nihchuak tuk mi thil a si.

Trump supporter pawl nih Biden ngandamnak cu zeibantuk dirhmun a si lai tiah thei an duh ngai, Biden nih Trump he debate tuah a duh lo, aruang cu zeihman thil fiangtein a chim khawh lai lo i,

mipi nih an thei duh mi pawl a langter khawh lai lo caah a si tiah a leh. Trump support pawl nih an lehmi cu, Hillary le Trump Debate an tuah lio ah khan, Debate ruangah Trump nih Vote tampi a hmuh,

Debate ruangah Trump nih Hillary a tei, mah bantuk caan tha kha Trump serhpiak an duh lo caah le an tih ruangah Trump he debate tuah an duh lonak a si. Kum 2016 lio bantuk caan tha kha Trump serpiak an tih caah a si tiah an chim.  Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor