Russia nih Ukraine a tukmi kong he pehtlaih in bia le hla a tam chin lengmang cang. Atu cu Israel zong nih Ukraine a dirpi ve cang caah Russia le Israel karlakah buainak fakpi a chuak lio a si ve. Australia nih Ukraine a dirkamh ruangah Russia dantat than nak ding caah tiin Russian politicians 110 sanctions din mi min an langter. 34 hna cu Russia puppet”
Ukrainian government officials hna an si, separatist regions Donetsk & Luhansk lei
mi deuh an si. Ukraine invasion ruangah Australia nih 812 individuals—Russian lawmakers,
oligarchs family members& 47 entities hna cu a rak sanctions cang hna. Admiral Sir Antony Radakin, chief of the British defence staff nih Wall Street Journal’s CEO Council Summit ah a chim ning ahcun, Russia’s campaign ah intelligence pawl an nih chuahsual ngai, Russian President Vladimir Putin tangah rian a tuan mi hna cu
zumtlak an si lo ngai ti fiangtein thei kho an si tiin a chim. “Russia nih 30 chung in Ukraine
ram cu an kut tangah chia dih an nih tim, Natein intelligence pawl nih report an pek ning le
an cawlhcang ning a dang tuk caah thil mak ngai mi a si. German opposition leader Friedrich Merz, leader of Germany’s Christian Democrats hmaikum election aah teinak a hmuh lo ahcun, Chancellor Olaf Scholz zuamcawh nak ding caah Ukraine khualipi Kyiv a va tlawn lai. Cre-RTK
kawlram thawngpang…PDF Pakhat Ni 4 Chung A Tlau Hnu Ah A Hliamhma He Hmuh Ṭhan A Si.
Kaya ramkulh Demoso peng, Dawngankha khua ah SAC ralkap le Demoso tualchung
PDF kahdohnak ah a hliamhma he a tlau mi PDF pakhat cu nihin May 4 zaan ah kan hmuh ṭhan, tiah Demoso tualchung PDF nih an thanh. April 30 lio SAC ralkap le PDF Phufonh hna kahdohnak ruangah minung ṭhencheu in an um i, PDF battalion A in ralkap Zaw Win Htut cu a hliamhma he a bau, tiah theih a si. A tlau mi Zaw Win Htut cu byu-ha 3 in A,B,F,J battalion
tat-khuai ralkap hna nih ni 4 chung an kawl i, a nilinak nihin May 4, zaanlei suimilam 5:00 ah
hliamhma fak ngai he hmuh a si i, a himnak hmun ah sii-ai he thlopbul colh a si, tiah an thanh.
==Falam Peng, Ramthlo Khua Inn 10 SAC Ralkap Nih An Khangh! Chin ramkulh, Falam peng Ramthlo khua Strawberry dum 2 telh in khuachung inn 10 cu nihin May 4, zinglei ah Hakha in a chuak mi SAC ralkap hna nih an khangh, tiah Ramthlo khua mi ralzaam pakhat nih a chim. “A voikhatnak ah Strawberry dumchung inn 2 a kaang. Cu hnu ah kan khuachung ah an lut i inn 8 an khangh ṭhan. Zinglei ah
cun kan khua he meng 2 tluk aa hlatnak Tlangzaar khua an phan cang. ‘SAC ralkap Hakha in an i
thawh’ ti kan theih ah kan dihlak in ramlak ah kan zaam dih i, kan thilri zong ramlak ah
kan chiah cang. Kum upa deuh cu Falam ah kan kalter hna,” tiah ralzaam dirhmun in
um mi Ramthlo khua mi pakhat nih a chim. Ramthlo khua cu inn 180 hrawng umnak khua a si i, milu 800 tluk an um. SAC ralkap motor ruun cu May 2 ah Hakha in Falam lei ah an kal i, nizaan May 3 zaanlei ah CDF Hakha he an i kap. Cu hnu in nihin ah Hakha le Falam kar um Ramthlo khua cu an khangh hi a si, tiah tualchung mi hna sin in theih a si. Cre-TCP