Thawngpang tha; Paletwa ralzam caah MMK 1,279,371 bawmh an si

Thawngpang chia lawngte vun thei hi cu ca reltu caah lung a mit tuk caah thawngpang tha vun ttial pa tawn hi a her. Tu lio ah kawlram caah le Chinram caah thawngpang chia a kan phor tawntu pakhat a si mi kawl ralkap le AA pawl i kahnak ruangah Paletwa ralzam pawl tampi an um cang. Ralzam pawl bomh dingin a kal mi motor cu voitampi kah a si tawn. Ralzam pawl caah ei le ding a um ti lo caah cozah lei zong nih fakpi in rian a ttuan, atu cu rawl tha an hmuh ve cang

Zahan May 5 ah ral ruangah mah le inn ah um ngam ti lo mi ralzam, Paletwa le Sami khua karlakah ah um mi caah kawlram tangka ting 1279.371 pek an si. Mah hi voithumnak a si cang i, A voikhathnak caah March 13 ah ting 1069.02 cu bomh an rak si cang. Cun a voihnihnak caah March 26  ah ting 53.997 bomh a rak si cang. Mah vialte hi kawlram ramkulh cozah lei in a si i, mah hi Chin Chief  Minister Salai Lian Luai nih a pek hna. Source:- Cirhti

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor