Thawngpang thalo lakah USA ram chungah thawngpang tha ngai mi Coronavirus kong ah

USA nih mah zawtnak hi a tuarbik caah tu lio vawlei media pawl hna cu USA lei lawng te an zoh cang caah USA thawngpang hi kan thei tam bik le kan ttial tam bik a si. Tu tiang thawngpang tha thei ding mi a um lo ngai, natein May ni 9 thawk in thawngpang tha thei ding mi a vun chuak tthan ve cang caah thawngpang tha thei hi hna a ngam bik ko

America ram State vialte lakah a damlo mi le a thi tambik nak State New York khualipi. Vawlei cung ramkip ah khual tlawng mi pawl nih kal an duh biknak cu Coronavirus ruangah Ghost city ti in a min au a si cang. Athimi hi nikhat ah percentage in 1000 leng an si awn, natein tu cu thawngpang tha ngai mi thei ding a vun chuak cang. May ni 9 ah siizungah a lut mi cu 541 an si i, a thimi 207 lawng an si cang

New York Governor Andrew Cuomo nih a chim ning a cun Zarpi nih kha, hram thawknak ah kan kir tthannak caan a si. March thla ah, dawr le rian vialte khardih ding tiah kan rak phuan lio ah siizung ah a lut mi le a thimi bantuk kha kan phan cang. March 20 le May 9 hi kan caah cun caan chia bik a si, caan nuam lo bik a si tiin a chim. Source: CNBC.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor