Thawngpang vialte lakah thawngpang tha bik; Dr. Sa Sa thawngin Chinram kong cu UN General Assembly sin a phan cang

Chinram caah mah bantuk thawngpang tha hi a um ti hnga maw? Dr. Sa Sa nih Chinram caah thil a tuah mi hi a sunglawi tuk hrinhrang. Dr. Sa Sa hi midang bantuk a si lo. Dr. Sa Sa nih mi an palhnak zongah a soisel duh bal hna lo, Pathian sin ah thlatu a cam piak lengmang hna. Dr. Sa Sa ruangah tu lio Chinram nih kan buaipi ngai mi kong cu UN General Assembly ah a lut cang

Dr. Sa Sa nih a ttial mi cu “British Parliament ah kan hruaitu British MP, The Baroness Cox of Queens-bury le The Lord Alton of Liverpool UK hmangin UN General Assembly ah kan Chinram le mipi nih an tuar ngai mi (issue) hna cu UN General Assembly ah a lut cang, Pathian le Khamhtu Jesuh Khrih zaangfahnak, mipi thlacam bawmhnak le Bristish MP pawl nih kan cungah zaangfahnak tampi an ngei ruangah mah bantuk sunglawi tuk mi hi kan phan khawh mi a si. Bristish MP pawl hmangin UN General Assembly ah kan (Chinram) kong an luhpi mi hna cu:

1. Kan ram ah hruaitu pawl nih upadi an ser. Mah upadi an sermi hna cu an mah lila nih an zulh lo. Mah upadi an sermi hna cu miphun tlawm mi pawl cungah sualphawtnak caah an hmang tawn.

2. Ralkap nih daihnak (ceasefire) an tuah mi kongah Chin State le Rakhine State cu an telh duh lo. AA le kawl ralkap i tuknak ruangah Chin mipi tampi harnak an tawn. UN Secretary General sin in Covid -19 ruangah mah ceasefire hi tuah a si tiin an chim tung i, natein Chin State le Rakhine State chungah zeihman daihnak (Ceasefire) an tuah duh tung lo

3 Global Chin leaders pawl nih video Conference an tuah hnu ah Chin National Union ( CNU) cu 23 May 2020 ah dir a si i, mah kong cu UN General Assembly sin ah tlamtling tein theiternak tuah a si cang. CNU cu Chin mipi dihlak pumkhat tein rian an ttuan nak ding caah dir mi a si. Cun Chinram chungah thil a tlung mi pawl, Southern Chin State le Rakhine State ah Chin IDP hna le Chin refugees hna, Malaysia le Delhi ah um Chin refugees issues kong ah rian ttuan ding mi vialte cu British Parliamentarians hmangin  UN Assembly ah phanter a si cang.

UN General Assembly bia ceinak nganbik ah, EU cozah, US cozah, UK cozah, Canada cozah le International Communities hruaitu sin ah kan chinram dirhmun kong vialte chuapi kho ding in caan tha le dawtnak a kan petu Pathian le Khamhtu Jesuh Khrih min cu zungzal in thangthat in um ko seh. Amen. By-Dr. Sa Sa

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Thawngpang vialte lakah thawngpang tha bik; Dr. Sa Sa thawngin Chinram kong cu UN General Assembly sin a phan cang"

Leave a comment

Your email address will not be published.


*