Thawngpangtha tuk mi: David Lai nih teinak a hmuh cang. David Lai a dohtu hna cu ningzahngai tiah thei a si

Hlasakthiam David Lai nih Paletwa ah tangka bawmhnak a pek pah in motor cung in hla a sakpiak hna i mitampi nih an buut ca ah tazacuai timh mi kong Chin Ramkulh Cozah nih a ceihmai hnuah David Lai nih zeihman phunbuar a ngei lo tiah fiangternak an tuah

Hi kong ah Chin Ramkulh Cozah Chimphuannak Nawlngeitu Sipin le Electric Minister Pu Soe Htet nih, “Sami ah aa dor mi ralzaam bawmhnak a pek hna. A phanh lio a si ca ah ralzaam pawl thinlung a nuam deuh nakhnga tiin a motor cung in hla a sakpiak hna. A aw an theih i an va buut mi tu khi a si. Amah kan chawnh zong ah cuticun a kan leh ko. Reportnak ca a phanh tik ah Chin Ramkulh Cozah nih kan ceih lio i a fiang kho rih lo.

Hihi amah nih a pumhkhawmh hna i stag-show a tuahpiak mi hna a si lo. Ralzaam zawnruahnak he Yangon in a rak ra i bawmhnak a pek hna pin ah an thinlung dam nakding ah tiin hla a sakpiak mi hna tu khi a si,” tiah  a chim.

Hi kong ah amah hlasakthiam David Lai zong phone kan chawnh nain kan pehtlai kho lo. Paletwa khua pawng hrawng ah nihin tiang Cozah ralkap le AA hriamtlai kahdohnak a um peng i Paletwa ralzaam hi 2018 November thla in April thla canceo tiang ah minung 5000 leng an si cang.

Hi hartong hna ca ah Cozah le CSOs hna nih bawmhnak an pek cio hna. Cheukhat hmun ahcun bawmhnak pek ngam a si rih lo, tiah kan theih.

Be the first to comment on "Thawngpangtha tuk mi: David Lai nih teinak a hmuh cang. David Lai a dohtu hna cu ningzahngai tiah thei a si"

Leave a comment

Your email address will not be published.


*