Thawngtha bak si; Democrat/left pawl nih Trump court ah an ttan mi cu biakhianak a tuah cang

Democrats/left le Trump dohtu caah cun hnunglei namte vih bantuk si cang, teinak kan hmuh lai tiah Court ah an kal mi cu an caah mangchia bantuk si cang ko.

USA politic cu a buai chin lengmang bantuk in ngai a nuam chin lengmang cang. Mah bantuk in Democrats/left pawl thil tuah ruangah USA mipi tampi cu tu kum Election ah um sawh sawh an nih tim ti lo. Democrats hruaitu Stacy Abrams nih cun Donald Trump rally ah a kalpi poah cu minak pawl nunnak zei a rel lo mi an si tiah a chim. President Trump rally kalruangah minak nunnak zei an rel lo ning cu fiangtein zeihman a chim lo.

Nancy Pelosi zong nih Donald Trump cu amah minthat duh ruangah Rally a tuah sawh sawh mi a si, a mah le a chungkhar dihlak cu coronavirus an nih chawn lai tiah a chim ve. Black Live Matter ah mah bantuk mipi a chuak mi kongah zeihman chim lo in a um lio ah Trump rally tuah ding mi ah cun mipi a dawt ngai bantuk in a vun holh hoi cang

Natein mipi nih an bia le hla hi an ngai piak duh lo tinak si lai, Trump rally ah kal a tim mi cu an tam chin lengmang cang i, Mah bantuk in kal a tim mi an tam chin lengmang caah Trump dohtu pawl nih cun an thil tuah khawhmi dawngnak ding caah Court ah an kal i, Trump rally tuah lo ding in le khamh ding in court ah an ttan

Trump dohtu nih Court ah an chim ning ah cun, mah bantuk in Trump nih rally a tuah ah cun Coronavirus a kar chin lengmang lai i tih a nun chin lengmang lai tiah an ti. Natein Black Live Matter lio ah an duh poah in lengah chuak in thil an tuah mi vialte an philh dih.

Trump nih rally a ngei/tuah khawh lonak ding caah Shannon martin, Stephen Bruner, le the Greenwood Centre, the John Hope Franklin Center for Reconciliation nih cun Donald Trump nih Rally a tuah nak ding hmun ASM Global, operators of the Bank of Oklahoma Center cu court ah an ttan, Court nih cun by Force hmangin Trump RALLY  tuah lo ding in a phih piak lai tiah an zum.

COURT nih bia a cei hnuah Judge Rebecca Brett Nightingale nih cun mah bantuk in Trump dohtu pawl thil tuah mi cu a cohlan piak duh lo i, a phih piak hna i Trump Rally cu tuah a si lai tiah biachanak a tuah. Mah bantuk in Rally tlamtling tein tuah a si lai caah Republican Senator James Lankford nih rally ah kalding mi pawl sin ralrinnak bia a ca hna i, Kum lei ah upa cang mi le zawhnak  dang dang a ngei mi hna cu mah Rally ah hin kal lo ding a nawlh hna. Source-Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor