Thawngtha, Hna a ngam thluamah cang. Coronavirus kongah hna ngamtuk mi thawngpang

Covid-19 zawtnak kongah a thlenmi thawngpang tawi. Tuni ah vawleicung ngandamnak bu WHO nih Covid-19 zawtnak in a zaw ko nain zawtnak phun pakhat khat an takpum cung ah a lang lomi nih mi va chawnh chin timi cu a um tuk lo tiin thawng a thanh. Zawtnak phun pakhat khat an takpum cungah a lang lo ahcun ichawnh khawh hrim a si lo ti si lem loin ichawnh a har ti khi an chim duhmi cu a si.

Tuan deuh ahcun Covid-19 zawtnak takpum cung ah a lang lo zong ah ichawnh khawh ngaingai asi tiin an rak ruah bal, nain atu ahcun zawtnak a lang lomi hna nih mi va chawnh chin timi a rak tam tuk lo tiin an theih than. Nain daithlang lo tein le iralrin thiam cu kan hau thiamthiam ko.

Cun, June 6,2020 ah khan WHO nih a leng umkal paoh ah hmaihuh ihuh ahcun Covid-19 zawtnak zeimawzat a kham an ti. Cun hmaihuh paoh siloin zawtnak khamnak caah tha tein tuahmi puan/la thap thum phun in tuahmi hmaihuh khi a tha ti zong an thanh. Cucaah hmaihuh hi a biapi kho taktak mi mah le mah irunvennak hriamnam asi.

Covid-19 zawtnak phun pakhat khat hna kan takpum cung ah a lang sual ahcun inn ah ierh le vai chek colh ding tlukin thiltha kan tuah khawh mi a um lo. Credit- Salai ZT Lian

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor