Kawlram kong kan thei lo mi tampi a um lai, kan thei lo mi cu tial ngam ding zong si lo, mah le pumpak zumning in thil tial ngam zong a si lo, Natein, atu cu Media pawl an thawng chin lengmang caah thil tampi/thil sining kan thei lengmang cang caah thawngtha thei ding mi a tam chin lengmang cang. Zahan ah Taningtayi Division Yiphy Township ah SAC uico ralhrang pawl KhahMahYah 407 Battalion ah security a
tuantu karlakah buainak a chuak i, namte in pakhat pa nih a rian tuanti pa cu a sawh ruangah pakhat a thi.
A luancia thla zong ah ralhrang uico pawl hna cu zu ding mi an ngei ti lo caah Spirit cu ti he an mix in an din
hnuah minung panga an rak thi cang kha. Ralkap lei a thi mi an tam chin lengmang, an buai chin lengmang cang, KNU thawngpang phuan tu nih a chim ning ahcun, SAC ralhrang pathum cu an hriamnam Min Aung Hlaing uico rian an tuan duh ti lo caah an hriamnam le an tlih i KNU ah an lut tiin a chim.
Zahan zinlei suimilam 10 in zanlei suimilam 10 tiang SAC le KIA hna cu Shan State thlanglei
Muse Twonship Chukoh Khaw pawng ah KIA Brigade 6 ramchungah ah operation an rak ngei i,
SAC Khah Mah Yah 332 le KIA Brigade 6 cu heh tiah an nih thuat i, SAC ralhrang lei a thi mi le hma a hmuh mi an tam ngai caah ralhrang uico pawl nih an hawi le hna cu bawmh ding in an va sawm hna i, an hawi le pawl hna cu Maing Phan Khua Milepost 105 lei an rah i SAC Khah Mah Yah 332 hna cu an va bawmh hna tiin source nih a chim, Kum 2021, buainak a chuak hnuah
ralhrang pawl SAC nih internet an cut peng ruangah kawlram nih tangka usd.2.8 billion a sung cang.
mipi hmang khawh lo in Internet a thah piak lengmang ruangah ralhrang uico Min Aung Hlaing cozah a tlaih
mi nih tangka a sung mi a tam tuk caah vawleicung ah Internet cut ruangah tangka a sunh tambik ram cu kawlram a si. KNU nih record an tuah mi an langter ning ahcun, Nikum chung in KNU Brigade 5 ram chungah Ralhrang uico pawl le KNU i tuk ruangah Ralhrang uico lei pawl a thi mi cazing record an tuah ning ahcun, ralhrang lei a thi mi dihlak hi 1364 an si cang i, hma a hmuh mi hna hi 1313 an si cang tiin a langter. Source-CSM