The New York Times nih a chim mi, Russia ralkap General tampi Ukraine ralkap pawl nih an thah khawhnak ruangh cu US intelligence pawl nih Ukraine ralkap pawl heh tiah bawmh hna caah a si tiah a tial mi cu The Pentagon spokesperson, John Kirbya dik mi a si tiin a chim ve cang. A chim ning ahcun, “America nih Ukraine information & intelligence ah heh tiah kan bawmh hna, mah hi
Ukraine ralkap pawl vennak ding caah a si (anmah pawl vennak ding caah asi) tiin a chim.
Natein Adrienne Watson, national security council spokesperson nih a chim mi cu,
Ukraine intelligence kan bawmh mi hna hi Russia General pawl kan thah duh ruangh a si hlei lo tiin a chim. America nih Ukraine hriamnam le intelligence lei ah heh tiah a bawmh mi hna ruangah, Russia nih Special Operation an ti mi cu thlathum hrawng a si cang lai, natein Russia nih nihin tiang zeihman a tuah kho tak tak lo
Russia nih Danish Embassy rian tuantu Moscow mi 7 an rian in an phuah hna, April ah Copenhagen nih
Russia Diplomats 7 hna cu Moscow ah a kir ter hna. Russia lei report ning ahcun
Ukraine – Donetsk & Luhansk in Russia lei ah ngakchia 200,000 hrawng an lut cang, Natein Kyiv nih a chim than ning ahcun, mah ngakchia pawl hna hi, an duh lo bu in Moscow nih a kuat mi hna an si tiin a chim. Mariupol’s mayor Vadym Boychenko nih a chim ning ahcun, Ukraine’s president Volodymyr Zelensky le deputy prime minister Iryna Vereshchuk hna cu “Mariupol mipi khamnak ding caah heh tiah
rian kan tuan ti, international partners ruangah humanitarian corridors ngei a si. President of Ukraine
Volodymyr Zelensky & Iryna Vereshchuk cungah lunglawmnak tampi kan ngei tiin a chim. Cre-RTK
Kawlram thawngpang….Magwe ramṭhen Yesagyo peng, Kyon Hla Yin khua cu May 4 zing Sml 5 ah SAC ralkap nih luh hnawh in mino 35 an tlaih hna i, minung pakhat ah voi 100 cio hrawng fung in an tuk hna, tiah tualchung mi nih Yangon Khit Thit media ah an chim. SAC ralkap nih mizapi ngeih mi sui fang hleinga (fang 15) tlai, phaisa sing 1500 le hruk-eih hnipuan cheukhat an fir i, inn 3 zong an hrawh, tiah theih a si.
Tualchung mi pakhat nih cun, “Nizaan ah SAC ralkap nih an kan luh hnawh i inn 3 an hrawh.
Sui fang 15 tlai le bank cauk zong an lak, phaisa an lak mi a dihlak hi sing 1500 tluk a si.
Cycle 30 le mawṭaw pakhat an i kalpi. Khua chung facang, chiti pinah banhla thlar tiang in an i kalpi. Mino 35 an tlaih hna i voi 100 cio fai an tuk hna,” tiah a chim. SAC ralkap hna cu mipi thil an fir dih in zaan Sml 7 tluk ah khua in an chuak, tiah theih a si.
=KNU brigade 5 hmunhma Mutraw pengkomh ah, April thla, 2022 chung ah SAC ralkap,
BGF phufonh le KNLA kahdohnak voi 383 a chuak i, cu kahdohnak ah cun SAC ralkap le BGF lei
tat-yin-hmu 1, duh-tat-yin-hmu 1 telh in SAC ralkap 173 an thi i minung 87 nih hliamhma an tuar, tiah Mutraw media nih a thanh. Kaphnih kahdohnak ah KNLA lei in minung 3 an nunnak a liam i, minung 17 nih hliamhma an tuar ve, tiah theih a si. KNU brigade 5, battalion hna nih SAC ralkap motor 4, an hriamthil chiahnak ku-dawng 2 le raltuknak ah hman mi
Rang le Laa 4 cu an thahpiak hna, tiah KNU nih an thanh. April thla chung kahdohnak ah
SAC ralkap nih vanlawng in voi 7 bomb an thlakhnawh hna i, tualchung mi hna umnak khua le dum-hau chung ah hriamngan lung 614 an kah, tiah KNU brigade 5 nih thlafatin kahdohnak record an tuahnak in theih a si.
=Butalin Peng Taw Oo Bah Khua A Khangtu SAC Ralkap 20 PDF Nih An Hrilh Hna: Sagaing ramthen
Butalin peng Taw Oo Bah khua a khangtu SAC ralkap cu nihin May 5 zing Sml 6 tluk ah tualchung
PDF nih an kah hna i SAC ralkap 20 an thi, tiah tualchung thawngzamh sin in theih a si. SAC ralkap hna cu May 4 ah Winmana palek sakhan chuahtak in rallam a sial mi an si i May 4 zaan Sml 8:50 ah Butalin peng an phan i Taw Oo Bah khua an khangh, tiah theih a si. Kahdohnak chung ah tualchung PDF in 2 hliam an tuar, tiah tualchung mi nih an chim.