US le China buainak a zual chin lengmang cang, US top official pawl nih Taiwan kan tlawng lai tiah an timi kong China nih warning tih nung tukmi a pek cang hna. Taiwan hi China ram pakhat a si ve caah nan duh poah in China nawlh lo in kan kal kho lo tiin a ti cang. House Speaker Nancy Pelosi nih a hawi hna nih August thla ah Taiwan tlawn an nih timhmi cu boruak a sang chin lengmang, Report nih a langter ning ahcun,
Nancy Pelosi nih Taiwan a tlawn tak tak ahcun, China Air Space lcu khat i Nancy Pelosi nih
a citmi vanlawng cu kahpiak an nih tim tiin report nih a langter. Natein mah bantuk in
China lei nih thawngpang an langtermi cu US officials nih zei ah an rel piak hna lo. Nancy Pelosi nih Taiwan a va tlawng ahcun US hriamnam tha tha timi pawl; fighter jets, ships, surveillance assets etc nih Indo-pacafic cu thatein an veng lai tiah report nih a langter. Pentagon lei nih multi-domain task force, missile, electronic & cyber capabilities hna cu Indo-pacific ah an chia lai tiin Japanese news outlet Nikkei News nih a langte. Cre-RTK
Kawlram thawngpang…Mindat Pengchung Khuate Lei Ah Kahdohnak A Chuak Kho, Tiah CDF-Mindat Nih An Thanh!
July 26, 2022 ah SAC ralkap hna cu Mindat khuachung ah lut in khuami pakhat sui fangnga tlai le
phaisa sing 15 an laak piak leng ah a zuatmi Meheh pakhat an thah, tiah theih a si. Culio ah July 27 zaan suimilam 10:00 hrawng khan Mindat peng cheukhat khua ah cun phone line hman khawh ṭhan a si cang, tiah theih a si. Cupinah Nizan zaanlei suimilam 4:30 hrawng ah Mindat khua tlanghrawn ah drone pakhat suimilam pakhat hrawng aa hel, tiah theih a si.
Nihin July 28, zinglei suimilam 10:25 hrawng ah SAC ralkap 100 leng cu Yeshin(ရေရှင်) khua
ah lut in chekhlatnak an tuah caah tualchung mizapi hna cu Mindat – Kyaukhtu lampi hmang
rih lo ding in CDF-Mindat nih thawngthanhnak an tuah. SAC ralkap hna nih Mindat pengchung khuate lei ah drone zeimawzat thlah in hlathlainak an tuah caah ruahlopi in khuate lei ah kahdohnak a chuak kho. Cucaah mizapi cu ralring te i um cio ding ah CDF-Mindat nih ralrin peknak le theihternak cathanh an chuah.
=Sagaing ramṭhen, Khin Oo peng ah SAC ralkap nih kum 13 ngakchia pa, Khant Khant Ngein cu
an kah caah hliamhma a pu i, sii-inn ah an kalpi lioah motor cungin luti hor ah an hlonh i an thah.
Amah phortu PDF hruaitu pa zong SAC ralkap nih an thah, tiah tualchung mi hna nih an chim. Sagaing ramṭhen, Khin Oo peng Makyioh(မကျီးအုပ်) khua ah SAC ralkap pawl nih July 26 zing sml 8:00 hrawng ah meithal an puah i, an lut. Cun, Kum 13 ngakchia pa Khant Khant Ngein a ban ah an kah, tiah Khin Oo peng thawngpang fianternak phu sinin theih a si. Hliamhma pumi ngakchia pa cu LPDF hruaitu nih
sii-inn a kalpi lioah lam tanṭim ah SAC ralkap he an i tong. LPDF hruaitu cu meithal in an kah i a thi.
Ngakchia pa cu luti hor ah an hlonh i a thi chuakmi a tam tuk caah a nunnak liam, tiah theih a si.
Ngakchia pa ruak va char awk ah a nule pa cu motor in an kal i, SAC ralkap he an i ton tikah ralkap nih ngakchia pa a nu a sui hna cu an chuh pinah an tuk an velh i, an motor zong an lakpiak hna. “SAC ralkap rallam an sial caan paoh ah mizapi nih lengchuah i nan i ralrin a hau. Ralkap he aa hlatnak ah nan um lai. A nunnak liammi LPDF hruaitu zong ralṭha tein mi a khamh caah upatnak salaam kan pek,” tiah KURDAF ṭuanvo ngeitu nih Khit Thit Media ah a chim.
=Thih Dan An Pek Hna I An Thah Hna Hnuah A Zual Ding Ramchung Buainak Vialte Cu SAC Nih Ṭuanvo Lak Lai
–MNDAA၊ TNLA ၊ AA. SAC ralkap nih thih dan a pek hna i, a thahmi hna Jimmy, Phyo ZeYa Thaw, Hla Myo Aung le Aung Thura Zaw hna he pehtlai in ṭangṭi phu thum nih July 27 ah cathanh an chuah. Thih dan an pek hna ruangah ramchung buainak a zual chinchin lai caah SAC nih nih a dihlak in ṭuanvo a lak lai, tiah ṭangṭi phu thum a si mi MNDAA၊ TNLA ၊ AA nih July 27 ah an langhter. SAC nih sualnak ngan a si lomi le ramkhel kong ah amah he lung aa khat lomi minung hna a thahmi hna hi mizapi kan thinhunnak le ramchung buainak a zualter lai, tiah cathanh an chuah. Cu pinah SAC minung pali an thahmi hna cungah ṭangṭi phu thum nih kan duh hrimhrim lo. Tantakmi chungkhar nan ngaihchiatnak kan i hrawm, tiah an langhter. Cre-TCP