Vawleicung ramkip nih Putin cungah an tuah ning vialte kan thei dih ko cang, A hlei in NATO le EU nih Putin cungah an tuah ning a fak tuk caah Putin nih zeitin dah a leh hna lai ti zoh si cang. Atu thawngpang thar a vun chuak mi cu, Europe ram pawl an him ti lo ti a si. Nuclear hmangin Europe ram pawl hna cu tih nung tuk mi dirhmun an phan ve cang. Europe largest Nuclear Power umnak, NPP cu National Guard of Ukraine pawl nih an ven lio a si.
Mah Nuclear power plant hi Russia ralkap pawl nih an hrawh sual ahcun Chernobyl/Fukushima ah thil a
tlung mi nak in tih nung deuh mi a tlung lai. Nuclear Power Plant ah rian tuantu pawl nih Russia ralkap pawl an rah sual lai tiin Nuclear power plant cu an ven. Cre-RTK
Kawlram thawngpang…UN kong Myanmar Palai U Kyaw Moe Htun nih Asia- Pacific group i rianchawn Chairman cu thlakhat chung tlamtling tein a ṭuan khawh cang, tiah March 1 ah an thanh. Member ram 54 an i telnak Asia- Pacific group i rianchawn Chairman cu February 1-28 tiang tlamtling tein a ṭuan khawh cang. Hi Asia- Pacific chiarman rian cu
Member simi ram hna nih Alphabetical order tein thlakhat voikhat in Chairman ṭuan an i chawn cio mi a si.
“February thlachung caah Asia- Pacific Group Chairman rian cu tlamtling tein kan ṭuan cang. Cun, a kan
telpitu Asia- Pacific Group chungtel ram dihlak cung ah kan i lawm,” tiah NewYork khuapi um UN Myanmar Palai zung nih a thanh. U Kyaw Moe Htun nih Asia- Pacific Group chairman a ṭuan chung ah- Thiamsang hna he meeting voikhat, February 28 ah Asia-Pacific chungtel dihlak thlakhat voikhat meeting ah Chairman ṭhutdan in caan a tlaih.
=Covid-19 Raikhamsii Chunh Ding Ah AA Nih Forhfial: Arakan(Rakhine) ramkulh chung ah nawlnolh in
Covid a karh ṭhan caah Covid zulhphung ṭha tein zulh ding le Covid raikhamsii chunh hrimhrim ding ah
Arakan Army(AA) nih nizaan March 1 ah cathanh chuah. Covid zawtnak i chawnh ruangah Sittwe siizung tel in Arakan ramkulh chung siizung 3 le pengkulh siizung hna ah ai thlop cuahmah mi mizaw 300 leng an um, tiah Arakan SAC nih an thanh. SAC hruainak in kan hnu Febuary thla chung ahkhan Arakan( Rakhine) ah minung ting 14 leng( 69%) cu Covid raikhamsii an i chun cang,
tiah State ngandamnak zung cazin ah an langhter. AA nih an kan nawl ruang ah AA ralkap pawl le an chungkhar hna le
tualchung mi hna zong Covid raikhamsii kan chunh hna, tiah State ngandamnak zung in Dr. Soe Win Paing nih RFA ah a chim. Arakhan ramkulh chung ah Covid in a thi mi cu an um lo nain Sittwe siizung ah mizaw 129, Kyauhphyu siizung ah 26, Thantwe siizung ah 22 tel in a dang siizung ai thlopmi 207 an si, tiah Rakhine Ramkulh SAC nih Febuary 26 ah langhter. Nizaan March 1 tiang ah ram pumpi Covid hrik hmuhmi cu 590,237 an si i, covid zawtnak in minung 19,372 an nunnak liam cang, tiah SAC ngandamnak zung nih a thanh. Cr-TCP