Putin hi pasal bak a si ko, ka tuah lai a ti mi cu tih bak lo in a tuah ngam bak mi a si ve. Russia ram hruaitu pakhat Russia’s ambassador to Sweden nih a chim ning ahcun, Russia President Vladimir Putin nih Ukraine invasion a ngei ruangah West pawl nih Russia sanctions an tuah zong ah Putin nih zei ah a rel piak hna lo, West pawl nih sanction an tuah ding mi cu a tih nemmam lo tiin a chim.
Viktor Tatarintsev nih Sweden Aftonbladet newspaper interview a tuahnak ah ” West pawl nih Russia heh
tiah an tlerh zong ah Russia nih rei ah kan rel piak hna lo, Russia cu kan si ning bantuk in kan si peng ko
lai tiah a chim”. West pawl nih Russia cu sanctions ah an tlerh mi cu zei ah a rel piak hna lo, West pawl nih Russia dirhmun thatein an thei fiang lo caah a si tiin a chim. “Russia nih kan herh mi hna cu kan ngei ko, ramdang ah thil tampi kan kuat chap hna. Italian maw Swedish cheese kan ngei lo , Italian & Swiss recipe hmang in Russia cheese kan ser ve ko” tiin Russia ram cu amah le mah a zohkhen khawh ning a
chim. Nihin ah US Staff, Organisation for Security and Cooperation in Europe (OSCE) an hmangthlak cu
heh tiah langter a si, An nih pawl nih Russia rebels pawl nih an kut tangah an chia mi Donetsk, Eastern
Ukraine an chuah tak cang. Britain’s Northern Ireland secretary Brandon nih i dohnak a chuak hrim lai tiin, Sky’s Trevor Phillips On Sunday sin ah a chim. Russia Sweden Ambassador Tatarintsev nih a chim ning ahcun Russia nih i dohlonak lam cu a kawl peng tiin a chim than,” Russia politics hruaitu pawl nih atu an duh bik mi cu i doh hi a si cang tiin report tampi nih an langer. Cre-RTK
Kawlram thawngpang…SAC Ralhrang Ralkap Umnak Gaw Tui Gyu Sakhan Cu KNU Nih An Kah, Ralhrang (2) An Thi!
SAC ralhrang kuttang ah a ummi Lu Taw peng chung Myauh Paing Lyi Kaw ah a ummi Gaw Tui Gyu ralkap
sakhan cu KNU Brigate (5) kuttang ah a ummi Battalion hna nih Febuary (12), zinglei sml 9:45 ah luhhnawh in an kah hna i, ralhrang ralkap (2) an thi tiah Mutaw thawngzamhnak nih an langhter. SAC ralhrang ralkap hna nih Mutaw pengkomh chungah nuhrin covo buarnak zong pehzulh in an tuah zungzal i,
Febuary 9 zinglei sml 3:30 ah Pha Pun khuapi ah a ummi ralhrang ralkap hna nih minung
umnak inn (2) hna cu luhhnawh in an hrawhpiak hna pinah inn chungah thilri zong an hrawh dih tiah
theih a si. Cupinah SAC ralhrang ralkap cu Pha Pun khuapi chungah a ummi Htu Maw De ralkap sakhan cu motor hmangin tlunkal nan duh ahcun zatlang citmi motor pakhat ah (50000), thilri phortu motor pakhat ah (100000) tiang an hal hna i, cuticun an kalter hna tiah theih a si.The Fedaral times
Febuary 12 Zanlei Sml 5:00 Tiangah Thongtlami Pakhat Hmanh An Chuah Rih Lo! Febuary 12 zanlei sml 5:00
tiangah Kawlram chungah a ummi thonginn kip in ramkhel ruangah thongthlak a tongtu hna cu pakhat hmanh an thlah rih lo tiah ramkhel ruangah thong a rak balmi U Htun Kyi nih a chim. Febuary 12 zanlei sml 5:00 tiangah ramkhel ruangah thongthlak a tongtu pakhat hmanh an thlahmi a um rih lo. Ing Sein thonginn lawng a si lo,
hmun damgah a ummi thonginn chungin siseh pakhat hmanh an thlahmi a um rih lo tiah a chim.
Febuary 12 chun sml 12:00 hrawng ahcun Ing Sein thonginn in thongtlami a phortu motor 3-4 cu an chuak hna i, minung 90 an thlah hna nain ramkhel ruangah thongthlak a tongmi pakhat hmanh an tel lo tiah a chim. Motor 3 in an chuah/thlah than hna lai tiah thawngpang theih a si nain zanlei sml 5:00 tiangah pakhat hmanh an thlahmi an um rih lo, tiah Deltanewsagency nih a langhter.The Fedaral Times