Kan thei cia bantuk in Russia nih heh tiah Ukraine a thuat peng caah Ukraine nih NATO sin ah No fly zone cu Ukraine cungah tuah ding in a hal than. Natein NATO nih an cohlan piak lo. Atu hi Ukraine president nih NATO cu bawmhnak a hal than hna. Zeidah a cang lai ti zoh si cang. NATO nih Ukraine ram cungah No fly zone kan tuah kho lo tiin an rak ti cang, Natein Russia nih Ukraine cu a duh duh in a
thuat peng caah le zahan ah Russia nih Maternity Hospital an tuk mi cu “proof of a genocide,” a si a ti
caah, atu hi, NATO sin ah No Fly Zone a hal than hna. Ukraine United Nations representative nih 300
peacekeepers hna cu hmung 5 in withdraw tuah ding in a hal hna, Mah hna cu, Mali, Cyprus, Kosovo, South Sudan & Abyei ah a um mi hna an si. Mah 250 troops, 36 staff officers, experts mission & 22 police hna hi Ukranians lawngte an si. Ukrainian capital, Kyiv, northern city of Chernihiv hna cu Russia bomb ruangah a rawk dih cik cek cang i, Maxar satellite in Russian-controlled Antonov Airbase, Hostomel hna
cu khuaici a mui bak ko, CNN nih a langter ning ahcun, Thursday zan ah west & northwest of Kyiv hna cu
heh tiah an i thuat hna NATO surveillance planes pawl nih Polish-Ukrainian border cu thatein an ven i,
NATO AWACS plane — Airborne Warning and Control System cu an zuangter peng, Atu hi Russia planes pawl nih Chernobyl nuclear power plant cu an kut tangah an chia cang i, thatein an ven lio a si ve. Russia planes 9 hna cu Belarus border in Ukranian ram chungah an lut mi hmuh a si than hoi. Atu hi US ram zong thil man ruangah heh tiah an buai ve i, The White House nih mah bantuk in
Gas man a kai mi cu Russian President Vladimir Putin’s invasion ruangah a si tiin an chim. Cre-RTK
Kawlram thawngpang dang…Pako ramṭhen, Yetashi peng SAC ralkap pawng ah khuasa mi Najat khuabawi San Lin le
pyusawthi hruaitu 2; Hlah Khine le Min Min cu nizaan March 10, zaanlei suimilam 7:00 hrawng ah thah an si, tiah theih a si. “Thah a tong mi khuabawi le pyusawthi hruaitu 2 hna nih cun zaan ah meithal an puah tawn. Khuabawi fapa cu palik an si i, cu khuabawi pa nih cun khuachung ah phaisa in lentecelhnak zong a tuah. Cun, pyusawthi chungtel Min Min cu SAC ralkap pawl zu petu a si, rawl zong a chanh hna.
“Khuabawi le pyusawthi hna cu SAC ralkap hna he naihniam tein an um i, SAC ralkap hna cu khuabawi
pa inn ah rawl an ei i, an luh chuahnak hmunhma pakhat zong a si. Cu khuabawi pa le pyusawthi phu hna
cu Najat khua le SAC ralkap nih umhmun an khuarnak in mengkhat tluk a hlatnak ah an um i cuka hmun ah cun thah an si,” tiah khua mi pakhat nih a chim. SAC ralkap hna cu March 10, zaanṭim ah khuachung ah lut in khuabawi pa ruak cu an char. khualeng ah thah a tong mi pyusawthi ruak 2 cu nihin March 11 zinglei ah mithi chiahnak hmun ah an kalpi hna. Chunhnu ah khuachung ah ruak cu kirpi ṭhan in ruak fimhlawmnak an tuah, tiah theih a si.
=Mutha khua Ah SAC Ralkap Bomb Puah An Tong; SAC Ralkap 3 An Thi: Sagaing ramṭhen, Khin Oo
peng Mutaa khua a rak duahtu SAC ralkap hna cu bomb puah an tong i, captain pakhat tel in ralkap 3 an thi, tiah Yee Oo PDF nih thawng an thanh. March 11 zing Sagaing ramṭhen Khin Oo peng, Mutaa khua pawng Muu tiva nitlak lei Yee Oo peng in Pinaket Kyiah khua lei ah a rak ra mi SAC ralkap hna cu Yee Oo PDF le Pah-Kah-Pha phufonh nih bomb in an puah hna i
SAC ralkap Captain pakhat le ralkap 2 an thi i, an ruak cu helicopter in an laak hna, tiah theih a si.
Cu SAC ralkap pawl cu nihin march 11 zinglei ah Khin Oo peng Mutaa khuachung ah lut in Mutaa khua phungki sianginn ah umhmun an khuar i, mipi inn pawl cu an hrawh hna caah khuachung mi pawl nih SAC ralkap pawl cu bomb in an puah hnawh hna, hliam a tuar mi le a thi mi kong cu theih a si rih lo, tiah khua mi hna sin in theih a si. Cre-TCP