Eastern Ukraine idohnak cu thlali a si cang lai, Ukraine lei nih West ram sin in an duhmi hriamnam tha tha an hmuh kho bak lo. FM Kuleba nih West ram pawl nih kan bawmh hna seh ti a duh caah- SUAHDUR he Russia ralkap hna cu kan tuk ko lai tiin a rak chim cang kha. Russia nih Finland le Sweden cu zah ti loin, NATO Alliance member Lithunia cu a tlerh than cang i,
Nuclear weapons Poland & Lithunia kar lakah chia a si lai tiah an chim.
Russia lei n ih Sievierodonetsk & Lysychansk lak ding in heh tiah Ukraine ralkap pawl an tuk hna
caah Ukraine ralkap pawl nih ceilak in an tuar cang. Luhansk region Governor Serhiy Haidai reports nih a langter ning ahcun, Russian ralkap pawl nih Azot chemical plant Sievierodonetsk, ah Civilians 568 le Ukraine defenders hna cu an tuk tangah an chia dih dengmang cang tiin a langter. Siverskyi Donets River hi Russia ralkap nih an kut tangah an chia cang, Hadai report nih a langter ning ahcun,
Russia nih Lysychansk zong a thuat ngai cang i- Russia nih Ukraine fighters pawl an tei hna
ahcun 4 miles (7km) south-east lawng Lysychansk cu an umnak i a hlah cang lai tiah a langter.
Zahan zan ah Ukraine nih Crimea Black Sea Russia Gas/Oil Rigs missile an kah ruangah, Oleksiy Arestovych, Ukrainian key adviser to Zelenskiy’s office nih a langter ning ahcun Russia nih phuhlamnak ding caah Kyiv bomb an nih timh tiin a langter. Cre-RTK
Kawlram thawngpang…Monywa Peng Ah Pyusawhti Hruaitu Sin In Hmunhlat Zohnak Pakhat Le
Taisawmh 6 An Hmuh: Sagaing ramṭhen Monywa peng MaYoeTawMyauk khua ah a ummi Pyusawhti
hruaitu tiah theihmi cu a umnak inn ah hmunhlat zohnak pakhat le taisawmh 6 kan laak, tiah Aung San Generation Monywa nih June 21 ah an thanh. “Thawng kan theih lecangka in tlaih ding ah kan kal nain amah cu kan tlai manh ti lo, SAC ralkap nih an pekmi thilri lawng kan laak khawh,” tiah Aung San Generation Monywa phu in ṭuanvo ngeitu nih a chim. June 21, chunhnu suimilam 12:30 ah thawng dik
kan theihmi a um caah pyusawhṭi hna hruaitu U Myo Tinth cu tualchung hriamtlai phu nih a umnak
inn ah tlaih ding in kan kalhnawh nain, kan phak hlan ah a hriamthil he a rak zaam, cang tiah a chim.
Tualchung hriamtlai phu hna cu pyusawhṭi hruaitu U Myo Tinth inn ah minutes 30 hrawng zohfelnak an tuah hnu ah an kir ṭhan. Aung San Generation Monywa nih cun hriamthil tlamtling in ngei hlah hmanh usihlaw mizapi cung ah phunkip in harnak a petu phu cu zei bantuk phu an si hmanh ah kan lehrulh hna lai, tiah an thanh. Aung San Generation Monywa nih a voi khatnak raltuk cawnnak cu ni 22 chung an ngeih i, June 13 ah cu training cu
tlamtling tein an tuah khawh. Raltuk cawnnak ah cun minung 36 an i tel kho, tiah theih a si.
=DPRA Nih M-79 Launcher Le 40MM Kuan An Ser Khawh Cang! Anti-Dictatorship People’s Revolution Army(DPRA) nih M-79 kutser launcher le 40mm bomb kuan cu
nihin June 21 ah tlamtling tein an serchuah khawh cang tiah rianngeitu sin in theih a si. “M-79 launcher le 40mm bomb kuan pakhat caah 100,000 kyats a dih. 40mm kuan kan serchuah khawhnak tu cu a sau cang. Atu kan serchuah mi hi cu kanmah ca zong ah ṭih a nunnak a um lo. Ral kan kah hna tik zong ah a puak lai ti hi 100% a fiang mi a si, 40 mm kuan hi thlakhat ah lung 25 kan ser khawh i, a sau bik a phan kho mi hi meng khat tluk a si,” tiah DPRA in rianngeitu pakhat nih a chim. DPRA nih thlakhat ah rocket hme phun lung 20, 60 mm lung 30, bomb lung 20 le meithal zuun zeimawzat an ser khawh, tiah DPRA thawngthanhnak in theih a si. Cre-TCP