Kan vawleicung thawngpang kan thei mi hna hi thawngpang tha thei ding mi um ti lo, ram le ram buainak, zawtnak ruangah buainak, economy ruangah buainak ti bantuk lawngte si cang caah zumtu caah ralring tein um ding in tu lio kan boruak nih lam a kan hmuhsak mi hi a si ti a fiang chin lengmang cang
US le NATO official nih Russia sin ah lehnak an tuah cang i, Ukraine kongah caan suapi an buai hnuah
a tu cu i tuk kho dirhmun an phan cang. Ukraine nih NATO he pehtlaihnak ngei a duh i, NATO ram
pakhat si ve ding in lam a kawl, Natein Russia nih a duh lo i, Ukraine le NATO cu pehtlaihnak an ngei ding a si lo a ti. Russia nih Ukraine rampi ah ralkap tampi a chia cang i, mah thawngpang hi NATO nih a thei bak in NATO ralkap tampi cu a kuat cawlh ve hna. Mah kongah Russia nih NATO le US sin ah red line a tuah piak hna.
NATO nih zeihman cawlhcangnak ngei hla seh tiah Russia nih a ti mi cu US le NATO nih lehnak an tuah i,
kan duh ning bantuk in cawlhcangnak kan ngei lai i, kan mah nawl a si, kan tuah ding mi thil kongah
Russia nih zeihman chim ding mi a ngei lo, Russia nawlh in kan um lo, kan mah nawlh in kan um ding a si, NATO hi kan kauter lengmang lai tiin Russia sin ah theiternak an tuah cang. US le NATO nih thawngthanhnak an tuah ning ahcun, Russi anih Ukraine a tuak ahcun, a herh ning tein cawlhcang cawlh lai i, Russi cungah phuhlamnak fakpi kan lak lai tiin an chim chap.
The Associate Press nih Secretary of State Antony Blinken a chim mi a tial ning ahcun, US, Secretary of State Antony Blinken nih
Washington ah reporter pawl sin ah a chim ning ahcun, NATO nih member thar cohlan lo ding ti zeihman
biakamnak a rak tuah lo, mah bantuk hi NATO nih a tuah bal lai lo. Cucaah NATO ram a si duh mi poah kongah NATO nawl a si lai tiah a chim Russian president Vladimir Putin le Russia hruaitu pawl nih, NATO cu Soviet Union ram pawl ah an NATO ram kauter lo ding in le Soviet Union pawl hna cu NATO ah cohlan lo ding in heh tiah an thler peng.
Cun Soviet Union ram chungah NATO nih zeihman cawlhcang nak ngei lo ding in an rak ti peng. Natein NATO nih fiang cik cek in
Russia cu a leh cang i, NATO nih a herh ning tein kan ram kan kauter peng lai i, NATO kongah kan mah nih a her ti mi poah cu kan ceih lai, ramdang nih zeihman chim khawhnak nawl an ngei lo tiin NATO Secretary-General Jens Stoltenberg nih Russia cu ralringnak a vun pek cawlh i, Russia hi NATO kongah zeihman i thlak ti hla seh, Member thar kongah kan mah nih kan ceih lai, Russia nih zeihman nawlngeinak a ngei lo tiin. Cred-Newsmax