Zahan ah US nih Ukraine ah Embassy rian tuantu pawl Ukraine chuahtak u tiah a ti mi kong ka vun tial hnua bak in Ukraine ah US embassy staff pawl hna nih Ukraine an chuah tak cang ti a hnuah ka vun tial cang kha. Cun, British zong nih Russia nih Ukraine a tuk ahcun Ukraine kan bawmh lai i, Russia kan tuk ve lai tiah thawngthanhnak an tuah mi zong ka vun tial ve cang kha.
Atu cu US nih Ukraine embassy rian ttuantu pawl Ukraine chuah tak u tiah a ti hnuah Ukraine ram ah US
citizen a si mi cu kal lo ding in thawngthanghnak a tuah cawlh. Mah bantuk in US nih thawngthanhnak a tuah hnuah
UK zong nih Ukraine khualipi Kiev ah an embassy ah rian tuantu hna cu Ukraine chuahta cang u ati ve cang hna. PM Boris Johnson nih Russia President Vladimir Putin cu a tlerh cawlh i, Ukraine na tuk ahcun, tih nung tuk mi le thisen tampi a chuak lai i, thil thalo tuk mi kan tawn lai tiin a chim. UK Prime Minister Boris nih Milton Keynes, Hospital a va zoh i, NATO ministers pawl Brussels ah
Russia invasion ah thil a tlung kho ding mi an chim. Boris nih The Kremlin nih Ukraine cu ‘new Chechnya’
bantuk in a si kho ti a chim “Intelligence kan hmuh mi ah fiangtein a lang ko, Russia nih Battle Group 80 leng
ralring tein an chia cang hna. Idohnak fakpi a chuak lai ti a fiang cang ko, Russia nih Ukraine khualipi Kiev hi ceilak in phomh ding in lam an kawl. Russia nih Ukraine a tuk ah cun, thisen tamtuk a chuak lai, a fak tuk lai i, tih nung tuk mi kan tawn lai. Russia nih a thei ding mi cu Ukraine hi Chechnya thar a si kho men, Russia tilawng Naval Drill ngei ding in Ireland’s southwest coast,
pawng mel 150 ah an chia cang. Putin’s spokesman Dmitry Peskov nih a chim ning ahcun, NATO nih Russia
ramri pawng hrawngah ralkap pawl an chia mi hna cu Russia nih a zoh sawhsawh kho lo tiin a chim.
Ireland Foreign Minister Simon Coveney nih a chim ning ahcun ,an ram pawngah Russia raltuk tilawng pawl hna cu thatein kan welcome hna tiin Russia sin ah a chim. Russia nih Ukraine a tuk/invasion ahcun UK economy pawl nih fakpi in an tuar lai i, minister pawl an lungreithei ngai cang.
A hlei in Gas le petrol man ceilak in a kai lai, Western pawl nih Russia an sanctions/hrem ahcun Europe
gas 35% hrawng hi Russia supply mi a si, Russia gas pipeline hi Belarus -Poland – Germany ram chungah a kalpi a tam ngai. Nord Stream 1 hi Germany ram in Ukraine ah a lut mi a si. Britain nih ramdang in Gas lak a tim zong ah Russia nih Europe lei ah Gas pawl a kut tangah achia ahcun UK caah cun cawlhcagn a har tuk lai. Cred-Edmund