Tih nung tuk cang, US nih a bia ning tein a chuahtak cang hnuah mipi sin ah thawngthahnak a tuah cang

Tu lio vawleicung thawngpang lakah a linsa ngai mi cu Russia nih Ukraine tuk a tim mi kongah, US nih Ukraine ka bawmh lai a rak ti ruangah atu cu US zong Russia he i tuk ding in timtuahnak an ngei cang. Russia le US thawngpang a tha lo tuk caah, Zahan zan ah Ukraine ramchungah US embassy riantuantu pawl hna cu Ukraine chuahtak ding in US nih nawl an pek cang hna tiah

CNN nih report a langter mi ka vun tial cang kha. Atu cu Ukraine ram ah US embassy rian tuantu pawl

hna cu US ah an kir cang tiah thei a si. US State Department nih Kiev ah US Embassy staff le an chungkhar

hna cu Ukraine chuahtak ding in theiternak a tuah hna. Mah bantuk in US embassy riantuantu pawl nih Embassy an chuahtak cang caah ramdang Embassy ah riantuantu pawl zong nih Ukraine an chuahtak hrim lai tiah zum a si. US nih mah bantuk in ram pakhat a chuah tak cang mi cu i tuk ding in 99% a fiang cang tinak a si

Secretary of State Antony Blinken & Russian Foreign Minister Sergey Lavrov hna cu Geneva ah i chonhnak/Meeting an ngei,

Natein zeihman thil tha le thawngpang tha thei ding mi a um lo. US State Department nih a langter ning ahcun,

Russia nih Ukraine a tuk hrim lai ti thei khonak/proof tha tuk mi an ngei tiin an chim, Russian Foreign Ministry nih a chim than ning ahcun, mah bantuk in thawngpang a um mi hi NATO ram pawl ruangah mah bantuk bia le hla a tam mi hi a si tiin an chim than. US State Department nih Ukraine Tension ruangah US citizen a si mi pawl caah ‘travel advisory’ an chuah cang. American mi hna cu Ukraine ram ah kal lo ding in tiin thawngthanhnak an tuah cang.

““Do not travel to Ukraine due to the increased threats of Russian military action tiin. Cred-RTK

Kawlram thawngpang dang… Nizan January 23 ah Karenni ramkulh, Demosso peng, Hopheih khua le

Saihkun-2 khua lei ah ralhrang an kal i, an kal lio ah Karenni ralkap nih an rak kah hna. Karenni mizapi vengtu le ralhrang hna hi sumilam 10 chung hrawng an i kap lai, tiah ruah a si. Ralhrang nih an umkalnak ah mipi inn zong an khangh pah, tiah theih a si. Nizan kahdohnak kong he pehtlai in Kareni ralkap

nih cathanh an chuah mi ah a langh ning ah cun,  Zingka suimilam 8:00 in zanlei suimilam 6:00 tiang an i kap i,

ralhrang a thi mi zong an tam. Karenni ralkap pakhat hliamhma a pu. Hopheih le Tapyitaw khua ah mipi inn 9 cu mei in an khangh. January 22 zong ah Hopheih le Tapyitaw khua i kahnak a fah tuk caah khua mi tampi an zaam hna i, a zaam manh lo mi khua mi pahnih cu ralhrang nih an tlaih hna i an thah hna, tiah KNDF nih cathanh an chuah fawn.The Chin Post