Tih nung tuk cang; USA nih China’s ralkap an tlaih. An buai tak tak cang ko

An buai tak tak cang ko, idoh voihthumna a chuak khawh mi dirhmun kan phan cang. Vawilei cung ramkip nih China cu hawikom ah an serh duh ti lo caah China nih nuclear hmangin vawlei cung hrawh zong a tim cang tiah bia le hla a tam ngai

USA, The Department of Justice nih cun Visa Fraud/Visa diklo ruangah Chinese mi pathum cu an tlaih hna. Mah an tlaih mi hna hi China’s Armed Force member an si. Mah pathum an tlaih mi hna hi an chim ning ah cun China’s Armed Force kan si lo tiah an ti. Natein USA nih fiangtein China ralkap an si ti a thei ko.

FBI agents nih China’s military he pehtlaihnak a ngei mi minung 25 hna cu bia halnak an ngei cang hna. Mah antlaih mi hna hi Presecutor pawl nih an chim ning a cun Chinese Programme Army Scientist an si i, a thli tein USA ah thil thalo tuah duh ruangah USA ram chungah a lut mi an si tiah an chim

Justice department attorney John C Demers press release ah alangning ah cun “Members of the People’s Liberation Army (PLA) pawl nih an si ning vialte cu i thup in midang min hmangin USA visa an hal tawn tiah a chim

Mah bantuk in China nih thil a tuah duhnak ruang bik cu Chinese Communist Party’s nih open society & academic institutions hrawh dih an duh caah mah bantuk in USA ram chungah an si ning i thup in Visa an hal tawn tiah a chim

China Consulate Houston ah China officials pawl hna cu suimilam 72 chungin USA kaltak ding in USA cozah nih a ti hnuah mah bantuk thil a tlung tthan caah USA le China cu i doh khawh dirhmun an phan cang. China a mualpho tuk cang caah nuclear hmang zawng a duh cang tiah expert pawl nih an chim. Credit- The Guardians

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor