Trump a cawlcang tuk ruangah Covid-19 Sii kongah thawngtha tak tak si cang

President Trump hi a rak fim bak ko, mah bantuk in an soisel, thangchiat lio zongah lungsau tein rian a ttuan peng i, Coronavirus hi sii an serh khawh hlan cu a tlau lai lo ti a thei caah Sii cu rangpi in an serkhawhnak ding aah Moderna Biotechnology Comapny le National Institute of Health i bawmh i an sermi cu Trump nih tangka tampi hmangin a bawmh hna

Mah bantuk in President Trump nih thil atuah ruangah Democrat pawl nih fakpi in an soisel, thangchiat mi kha a si. Natein President Trump nih holh lo tein a tuah ding mi cu a tuah lengmang ko caah tu cu Phase III (3) an phan cang. Phase 3 hi a dawnnak a si lai

Mah mRNA-1273 Vaccine hi Phase 3 tlamtlingtein an dih ah cun hmangkhawh a si cang lai caah thawngpang tha tuk mi a si.

Mah dirhmun phan khawhnak ding caah Trump cozah nih bawmhnak $483 million a rak pek cang. Tu hi phase 3 test tuanak ding caah minung 30,000 sin ah hmang tthan a si lai i, mah tuahnak ding caah Trump cozah nih $472 million a pek tthan hna

Phase 3 ti hi kan nih fiang khawhnak ding caah ka vun chim tthan lai

1. Exploratory stage: Rai thei fiang khawhnak ding caah kum 2-3 hrawng hlethlainak tuah hmasa a hau. Natein COVID-19 zawtnak hi a hlan ah a rak tlung cang mi SARS etc. pawl he a khat caah hlethlainak an tuah mi hi a rau lonak a si

2. Preclinical stage: Saram le tissue ah fiangtein zohfel hmasak a si. Mah hi kum 1-2 hrawng a rau tawn. Natein Covid-19 hi SARS etc bantuk he a khat caah rau lo tein an tuah khawh

3. Clinical development stage: Mah ah hin Phase 1, 2, 3 a um. Phase 1 ah minung 100 hrawng test an tuah hmasa. Phase 2 ah minung 1000 leng test an tuah. Phase 3 ah minung 10000 leng test an tuah

Phase 1 ah test ah tuah mi hi a that lo ah cun an pehzul ti lo. Phase 2 zong mah bantuk a si. Phase 1, 2 ah hlawhtlinnak a um hnu lawng ah phase 3 hi kalpi a si

Tu hi Phase 3 test a si cang lai. Phase 3 hi thla 2-4 hrawng a rau lai. Phase 3 hi tlamtlingtein kalpi a si ah cun FDA (Food and Drug Administration) nih hmang khawhnak nawl a pek lai. Mah hnuah cun vawlei cung ramkip ah zuar a si cang lai. Credit- Times Now

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor